Ölkə

Azərbaycanda bu ərazilərdə 8-9 ballıq zəlzələlər baş verə bilər

8 Dekabr 2019 12:24
5 Şərh     Baxış: 15 085

Azərbaycan ərazisinin 30 faizi yüksək seysmik riskli (8-9 ballıq) sahələrdə yerləşir.

Milli.Az bildirir ki, bunu Trend-ə Azərbaycan Milli Elmlər Akademiyasının Coğrafiya İnstitutunun Azərbaycanın iqtisadi və siyasi coğrafiyası şöbəsinin müdiri, coğrafiya üzrə elmlər doktoru Nəriman Paşayev deyib.

N.Paşayevin sözlərinə görə, Azərbaycan tektonik proseslərin intensiv getdiyi Alp-Himalay cavandağəmələgəlmə qurşağında yerləşdiyindən burada zəlzələnin təkrarlanması xarakterik hal sayılır. Respublikada Böyük-Qafqazın cənub-şərq yamacı (Şamaxı-İsmayıllı), Naxçıvan Muxtar Respublikasının orta və yüksək dağlıq ərazisi 9 bal, Böyük Qafqazın cənub yamacı, bütün Kiçik Qafqaz, Naxçıvan Muxtar Respublikasının alçaq dağlıq ərazisi, Abşeron-Qobustan ərazisi 8 bal, qalan ərazilər isə 7 bala qədər seysmik zonaları əhatə edir.

Şöbə müdiri qeyd edib ki, zəlzələ hadisəsinin riskliyi nəzərə alınarsa, Azərbaycanda bu sahədə Dağlıq Şirvan iqtisadi rayonu 1-ci yeri tutur. Son 100 ildə respublika ərazisində qeydə alınan 200 zəlzələnin 40 faizi Şamaxı rayonunun payına düşür:

"Aparılan tədqiqatlar göstərir ki, bu regionda güclü zəlzələlərin təkrarlanması 30-50, bəzən də 100 ildə bir dəfə baş verə bilər".

Alim əlavə edib ki, Azərbaycanda güclü zəlzələ ocaqları Xəzər dənizinin cənubu, cənub-şərqi, şimal hissələrini əhatə edir. Potensial gücə malik zəlzələ ocaqları (9 bala qədər) Xəzər dənizində yerləşdiyindən respublikanın digər regionları ilə müqayisədə Abşeronda, o cümlədən Bakı şəhər aqlomerasiyasında hətta 5-6 ballıq zəlzələlər təsərrüfat sahələrinə və əhali məskunlaşmasına ciddi ziyan vura bilər.

Milli.Az

loading...

Şərh yaz:

5 Şərh:

  • Anonim
    Allah · 8 Dekabr 2019 13:03110

    köməyimiz olsun.

    Cavab yaz
  • Anonim
    Hemide xanim · 8 Dekabr 2019 14:05110

    Daha hara qaldi ki,butun erazimiz zelzele ocagidir,Allah komeyimiz olsun,Amin,Amin Amin

    Cavab yaz
  • Anonim
    Darina · 8 Dekabr 2019 19:2260

    Allah ozu komey olsun,Amin

    Cavab yaz
  • Anonim
    Darina · 8 Dekabr 2019 19:23160

    ay menim gozel milletim,her an zelzele olacagmis kimi yasayin ve bir birininzin qedrini bilin,bugunun sabaha umidi yoxdu.

    Cavab yaz
  • Anonim
    Fikrət · 11 Dekabr 2019 20:1100

    Salam nə vaxt olacağına aid fikir var. Şəkidə də ola bilər?

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.