Ölkə

Azər Qasımlı "Real" partiyasından istefa verdi - FOTO

6 Noyabr 2019 12:40

Baxış: 614

#İÇ SİYASƏT

"Real" partiyası Məclisinin başqanı Azər Qasımlı partiyadan istefa verib.

Milli.Az Trend-ə istinadən xəbər verir ki, bu barədə A.Qasımlı bu gün keçirdiyi mətbuat konfransında deyib. Bildirib ki, o, partiyanın sədri İlqar Məmmədovun etdiyi yeni təkliflərə görə istefa verib:

"Belə bir vəziyyətdə mən bu partiyada qala bilmərəm. Mən özümü bu partiyada, strukturda görmürəm və getmək qərarına gəlmişəm. Siyasi mövqeyimi dəyişməmişəm və indiki mərhələdə partiya yaratmaq kimi bir fikrim yoxdur.

İlqar Məmmədovun təklif etdiyi layihə bizim qurduğumuz təşkilatı məhv edəcək, partiyanı Kommunist partiyasına çevirəcək. İdarə heyətini heç kim təftiş edə bilməyəcək. Məclisin olmaması isə o deməkdir ki, idarə heyətini məsuliyyətə cəlb edəcək, ondan hesabat tələb edəcək hansısa qurum olmayacaq. Siz təsəvvür edin ki, hazırda ölkəmizdə fəaliyyət göstərən, hətta 1990-cı illərdə yaradılan siyasi partiyaların strukturunda belə bu cür biabırçı vəziyyət yoxdur".

Milli.Az