Ölkə

Bakıda keçirilən yarmarkada 20 tondan artıq bal satılıb

7 Oktyabr 2019 15:01
1 Şərh     Baxış: 2 153
VTB-də minimal faiz dərəcəsi ilə nağd kredit 9.9%-dən
#BAL

Bal yarmarkasının ilk 10 günündə 20 tondan artıq bal satılıb.

Milli.Az xəbər verir ki, bunu Trend-ə Kənd Təsərrüfatı Nazirliyi yanında "Aqrar Tədarük və Təchizat" ASC mərkəzinin mətbuat katibi Mayis Musayev bildirib.

Onun sözlərinə görə, yarmarka öz gedişatı ilə davam etdirilir:

"Müşahidələrimiz onu göstərir ki, ən çox satılan ballar daha çox dağlıq ərazilərdə hazırlananlardır. Alıcılara artıq məhsulları onlayn sifariş etmək imkanı da yaradılıb və metrostansiyalara çatdırılma ödənişsiz həyata keçirilir".

M.Musayev satıcılara yaradılan yeni şaraitdən də danışıb:

"Bildiyiniz kimi, bu il baş tutan yarmarkada bir neçə yeniliklər olub, onlardan biri də qablaşdırmanın üzərindəki barkodlardı. Həmin kod vasitəsi ilə vətəndaşlar ASC-nin saytı üzərindən məhsulun kimə məxsus olduğunu öyrənə bilərlər. Daha bir yenilik isə ondan ibarətdir ki, alıcılar həmin saytda arıçıların məhsullarını dəyərləndirərək qiymət verə bilərlər. Sonda reytinqə görə, həmin arıçıların siyahısı müəyyənləşdirilir və növbəti yarmarkalarda onların iştirakı daha asanlaşır".

Qeyd edək ki, sentyabrın 28-dən etibarən Bakının Nərimanov rayonu, Fətəli xan Xoyski prospekti, 10 ünvanında (Tofiq Bəhramov adına Respublika Stadionunun ərazisi) arıçılıq məhsullarının 20-ci Respublika Sərgi-Satış Yarmarkası keçirilir. Yarmarkada Daşkəsən, Oğuz, Zaqatala, Balakən, Astara, Lerik və digər bölgələrdən gətirilən arıçılıq təsərrüfatı məhsulları müştərilərə təqdim olunur.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.