Ölkə

Yol polisinin təqib etməsi doğrudurmu? - VİDEO - FOTO

27 İyun 2019 14:54
3 Şərh     Baxış: 4 215
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Cəzalar sərtləşdirilsə də, şəhərdə hərəkətin təhlükəsizliyi üçün kameralar təchiz edilsə də, hələ də avtoxuliqanlıq edən sürücülərə rast gəlmək mümkündür.

Milli.Az xəbər verir ki, ARB TV-nin "Günə doğru" proqramı mövzu ilə bağlı maraqlı süjet hazırlayıb.

Qəhrəmanlıq edirmiş kimi düşünənlər, bu düşüncə ilə yaşayan, yollarda təhlükə saçan sürücülər çoxdur. Bir neçə gün öncə paytaxt küçələrini biri-birinə qatan şəxsin əməlləri buna əyani sübutdur.

Vaqif Əsədov - BŞBDYPİ-nin bölmə rəisi: "Yolboyu həmin sürücünün başqa qəza törətməməsi ilə bağlı avtopatrul avtomobillərinin müşayiəti ilə təhlükəsizlik təmin edildi və süni tıxacla sürücü saxlanılıdı".

Polisin bu əməliyyatı müşahidə kameraları tərəfindən də qeydə alınıb. Amma bir çoxları polisin təqib etməsini ya düzgün saymır, ya da qanuna zidd hərəkət kimi qəbul edir. Qanun isə yol polisinin müəyyən məqamlarda belə səlahiyyətlər verir.

Vaqif Əsədov - BŞBDYPİ-nin bölmə rəisi: "Düşünürsə ki, yol polisinin bu formada təqib etməsi qanun pozuntusdur, bu əlbəttə səhv qərardı, səhv düşüncədir.Təhlükəsizliyi təmin etmək niyyəti ilə təqib edilməsi nəzərdə tutulur və bu yolla yolboyu digər ağır yol qəza hadisəsinin qarşısı alındı".

Polisin bu səlahiyyəti olsa da, yalnız rəhbər şəxsi icazə və əmri ilə bu təqibi həyata keçirə bilər. Eyni zamanda da, yolda təhlükə yaradan maşının saxlanılması üçün təqibdən əlavə digər üsullardan da istifadə edə bilər. Yola kirpi deyilən qurğunu atmaq, nəqliyyat vasitəsini vurub yoldan çıxarmaq, süni tıxac yaratmaq və s. bu üsullara aiddir. Sadəcə əmlaka ziyan dəyməsin deyə əksər hallarda bu yollara əl atılmır.

Milli.Az 

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.