Ölkə

"Absheronxeber.Az" İnformasiya Portalının 5 yaşı tamam oldu - FOTO

2 Fevral 2018 12:06

Baxış: 2 311

VTB-də minimal faiz dərəcəsi ilə nağd kredit 9.9%-dən

#MEDİA #İNFORMASİYA

Abşeron rayonunun mədəni və ictimai həyatında baş verən yenilikləri daim ictimaiyyətə çatdıran, Azərbaycan mediasında öz dəst-xətti, maraqlı xəbərləri, reportajları və layihələri ilə seçilən "Absheronxeber.az" xəbər portalının 5 yaşı tamam olub. Bununla əlaqədar olaraq Xırdalan şəhərində yerləşən Heydər Əliyev Mərkəzində tədbir keçirilib.

Tədbiri giriş sözü ilə açan Abşeron Rayon İcra Hakimiyyəti başçısı İradə Gülməmmədova qeyd edib ki, ulu öndər Heydər Əliyevin müstəqil Azərbaycana rəhbərliyi illərində həyata keçirdiyi çoxşaxəli islahatların və onların Prezident İlham Əliyev tərəfindən uğurla davam etdirilməsinin nəticəsi olaraq bu gün ölkəmizdə söz və mətbuat azadlığı sahəsindəki mövcud vəziyyət ən qabaqcıl demokratik ölkələrlə müqayisə edilə bilər.

İ.Gülməmmədova vurğulayıb ki, bu gün mətbuata xüsusi dövlət qayğısı və diqqətinin mövcud olması, eyni zamanda söz, fikir və özünüifadə azadlıqlarının ən yüksək səviyyədə təsbit edilməsi, mətbuatın maddi-texniki və maliyyə bazasının gücləndirilməsi, media institutunda təmsil olunan şəxslərin səmərəli fəaliyyəti üçün əlverişli şəraitin yaradılması və digər bu kimi amillər dövlətin bu sahəyə qayğısı kimi dəyərləndirilməlidir.

Bildirilib ki, 2013-cu ildən fəaliyyət göstərən portalda Abşeron rayonunda baş verən hadisələr, aparılan quruculuq-abadlıq işləri, yeniliklər barədə oxuculara operativ məlumatlar verilir, reportaj, araşdırma, müsahibə və digər janrlarda materiallar təqdim edilir. 5 il ərzində saytda təkcə Abşeron rayonu ilə bağlı yeniliklər deyil, eyni zamanda ölkə əhəmiyyətli məlumatlar, xəbərlər də öz əksini tapmışdır və bunun nəticəsidir ki, hazırda artıq daimi oxucusu 35 min nəfərə çatan bir portala çevrilmişdir. Qeyd edilib ki, bu, Rayon İcra Hakimiyyətinin başçısı İradə Gülməmmədovanın müasir Azərbaycanın bir qoluna çevirdiyi müasirləşən Abşeronun növbəti uğurudur.

Tədbirdə "Absheronxeber.Az"ın baş redaktoru Şamo Əliyev portal barədə məlumat verərək bildirib ki, o, yarandığı vaxtdan indiyədək oxucuların etibarını qazanmaq və onlara dolğun məlumatlar çatdırmaq üçün fəaliyyət göstərib. O, qeyd edib ki, sayt 12 bölmədən ibarətdir və burada Abşeron rayonunun yaranma tarixindən müasir dövrə kimi olan mühüm məlumatlar əldə etmək olar. Xəbər portalı öz oxucularına bir neçə yeni layihələr təqdim etməyi planlaşdırır. Müasir standartlara cavab verən yeni dizaynlı portalda həmçinin, yerli və dünya xəbərləri ilə yanaşı, tanınmış müəlliflərin yazıları, jurnalist araşdırmaları, müsahibələr, ekspert rəyləri də dərc olunur. Baş redaktorun sözlərinə görə, gələcəkdə portalda müsabiqələr, müxtəlif layihələr, eləcə də rubrikalar və digər yeniliklər təqdim olunacaq.