Təranə Qumraldan efirdə Nazəninə SƏRT İSMARIC: Məni həbs etsələr də... - VİDEO - FOTO

Bu gün ARB telekanalında "Səhər-Səhər" verilişinin qonağı olan Təranə Qumral-Musa Musayev cütlüyü Nazənin davası ilə bağlı ilginc açıqlama ilə yadda qalıblar.

Təranə Qumral həbs olunur? - Vəkildən AÇIQLAMA

Milli.Az aparıcı Elgiz Əkbərin "Bu gün burada bəlkə barışasınız?" təklifinə Təranə Qumralın geniş cavabını təqdim edir:

"Məhkəmə artıq qərar çıxarıb. Qərar çıxarıb ki, mən ondan üzr istəməliyəm. Təranə də qarşı tərəfdən üzr istəmir. Mən üzr istəmirəm deyə məhkəmə prosesi bu qədər uzanıb. Mən də elə bir insanam ki, doğrulara görə heç bir kəsdən üzr istəmirəm. Mənim yalnışım olanda niyə üzr istəməyim ki?! Amma hesab edirəm ki, mən burada yalnış bir fikr söyləməmişəm. Mən demişəm ki, "Sən bir neçə dəfə ailə qurmusan". Mən bunu yalnış deməmişəm. Mən ona söyüş söyməmişəm, başqa əxlaqsız bir söz deməmişəm. Demişəm 7 dəfə ərdə olmuşam. Amma mən bir az yalnış demişəm. Yəni o, 7 dəfə yox, 5 dəfə ərdə olub.

Məhkəmənin qərarına hörmətim var. Amma mən nə demişəmsə, düz demişəm. Sözümün üstündə varam. Məni assalar da, mən dədəmin qızıyam. Mənim dədəm kişi olub. Məni assalar da, kəssələr də, məni həbs etsələr də, məni ölkədən kənara buraxmasalar da... Qanun budursa, bunu kəsiblər mənə. Mən iki əlli razıyam. Amma mən üzr istəməyəcəm. Mən həqiqəti demişəm. Nə olsun ki, ona bunu sübut edə bilməyiblər. Oturaram lap adını da sayaram, amma lazım deyil".  

Musa Musayev bu məqamda "Olar mən də müdaxilə edim?" sözləri ilə söhbətə qoşulub:

"Nəsə yalnış hərəkət etsəm, mən də üzr istəyərəm. Ancaq mən səni söyürəm, sən də məni söyürsən. Bir-birimizi təhqir edirik. İş burasındadır ki, məni məcbur edirlər ki, səndən üzr istəyim. Axı eyni təhqiri sən də mənə etmisən. Nəyə görə mən səndən üzr istəməliyəm, sən yox? 

Qeyd edək ki, T.Qumralla Nazənin arasında qalmaqal "ANS"in "Bazar səhəri" verilişindən başlayıb. Belə ki, Nazənin canlı efirə zəng edərək Təranə Qumrala "Səni ərimlə tutdum" demişdi. T.Qumral isə, öz növbəsində, Nazənin barəsində bir çox xoş olmayan ifadələr işlətmişdi. Buna görə də Nazənin məhkəməyə müraciət etmişdi. Və Nazənin məhkəmə qərarı ilə həyat yoldaşının müğənni Təranə Qumralla yatdığını sübut etmişdi.

Məhəmməd Vaqif
Milli.Az

Videonu izləmək üçün şəklə klikləyin:

Digər maraqlı xəbərlər Milli.Az-ın Facebook səhifəsində