Ölkə

Xəzər TV yeni binaya köçüb? - FOTO

18 Dekabr 2015 16:39

1 Şərh Baxış: 3 480

VTB-də minimal faiz dərəcəsi ilə nağd kredit 10.49%-dən

#TELEVİZİYA #MEDİA

Sosial şəbəkələrdə Xəzər Televiziyasının artıq yeni binaya köçdüyü barədə məlumatlar paylaşılır.

Milli.Az xəbər verir ki, bu məlumat həqiqətəuyğun deyil və Xəzər TV yenə də, hələ ki, elə 2007-ci il oktyabrın 2-də ilk dəfə efirə çıxdığı gündən yerləşdiyi Atatürk prospekti 100 ünvanında fəaliyyətini davam etdirir.

Xəzər TV-nin Nobel prospektində, "Azərneftyağ" Neft Emalı Zavodunun yaxınlığında inşa edilən 6 mərtəbəli yeni binasına gəlincə, burada tikinti işləri, demək olar ki, başa çatıb və son tamamlama işləri gedir.

Sadəcə, binanın yeni çəkilmiş fotosunun sosial şəbəkələrdə yayılması bəzilərində çaşqınlıq yaradıb və elə biliblər ki, TV artıq köçüb.

Qeyd edək ki, televiziyanın yeni binaya nə vaxt köçəcəyi tarix tam bəlli deyil.

Pünhan Mirzə
Milli.Az