Cəmiyyət

Saray qəsəbəsinin bitməyən problemləri

8 May 2025 07:35
Baxış: 1 435
VTB-də minimal faiz dərəcəsi ilə nağd kredit 9.9%-dən
#ŞİKAYƏT

Son günlər Abşeron rayonunun Saray qəsəbəsində baş verən su qıtlığı problemi yerli sakinləri ciddi narahat edir. Su təchizatında yaşanan fasilələr insanların gündəlik həyatına mənfi təsir göstərir və onların səbir kasasını daşırır. Belə hallarda vətəndaşların səsini eşitmək və problemləri operativ şəkildə aradan qaldırmaq mühüm əhəmiyyət daşıyır. 

Milli.Az xəbər verir ki, sakinlərin sözlərinə görə, məsələ ilə əlaqədar dəfələrlə aidiyyəti qurumlara müraciət edilməsinə baxmayaraq, şikayətlərə hələ də cavab verilməyib.

Sakinlər bildirirlər ki, su probleminin səbəbi xəttdə baş verən nasazlıq konkret olaraq borunun partlamasıdır. Qəza baş verdikdən sonra müəyyən qazıntı işləri aparılıb və problem müvəqqəti olaraq bir gün ərzində aradan qaldırılsa da, növbəti gündən etibarən suyun verilişi yenidən dayandırılıb:

"Su məsələsində böyük çətinliklə üzləşirik, heç bir dəstək göstərilmir. Su bir müddət verilir, sonra 5-6 saatlıq fasilələr yaranır," - deyə sakinlərdən biri bildirib.

Məsələ ilə bağlı binanın məsul şəxslərindən biri qeyd edib ki, yaranmış problem artıq diqqətə alınıb və qısa müddətdə tamamilə həll olunacağı gözlənilir.

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.