Ölkə

Daşkəsəndə sel suları: İri qaya parçaları kəndin yolunu bağladı - (Foto)

21 Avqust 2026 13:25

Baxış: 296

VTB-də minimal faiz dərəcəsi ilə nağd kredit 9.9%-dən

#SEL

Dünən yağan leysan yağışları nəticəsində Daşkəsən-Mollahəsənli avtomobil yoluna iri qaya parçaları və palçıq kütləsi tökülüb, yol bağlanıb.

Milli.Az xəbər verir ki, nəticədə kəndin rayon mərkəzi ilə nəqliyyat əlaqəsi kəsilib.

Hadisə ilə bağlı Daşkəsən Rayon İcra Hakimiyyətinin başçısı Orxan Abbasov Fövqəladə Hallar Komissiyasının üzvləri ilə birlikdə əraziyə baxış keçirib, mövcud vəziyyətin aradan qaldırılması məqsədilə aidiyyəti qurumlara müvafiq tapşırıqlar verib.

Problemin aradan qaldırılması istiqamətində "31 saylı Yol İstismarı" MMC, "AzerGold" QSC və "Daşkəsən Dəmir Filiz" MMC-nin dəstəyi ilə əraziyə texnikalar cəlb olunub. Yol iri qaya parçaları və palçıq kütləsindən təmizlənib, gediş-gəliş bərpa olunub.

Qeyd edək ki, Daşkəsən rayonunda qeyri-sabit hava şəraiti davam edir.

Müəllif: Tural Hüseyn (Milli.Az redaktor)