Ölkə

2 mindən çox müəllim MİQ-in müsahibə mərhələsinə buraxılıb

11 Avqust 2026 20:47

Baxış: 209

VTB-də minimal faiz dərəcəsi ilə nağd kredit 9.9%-dən

#MÜƏLLİM

Müəllimlərin işə qəbulu üzrə müsabiqədə faktiki yaşayış rayonuna uyğun olaraq həvəsləndirmə tədbirlərinin tətbiq olunduğu ümumi təhsil müəssisələri üzrə vakansiya seçimi mərhələsinin nəticələri açıqlanıb, 2 058 namizəd müsahibə mərhələsində uğur qazanıb.

Milli.Az xəbər verir ki, Məktəbəqədər və Ümumi Təhsil üzrə Dövlət Agentliyinin məlumatına görə, nəticələr şəxsi səhifələrə göndərilib.

"8-10 avqust tarixlərində keçirilmiş müəllimlərin işə qəbulu üzrə müsabiqənin faktiki yaşayış rayonuna uyğun olaraq həvəsləndirmə tədbirlərinin tətbiq olunduğu ümumi təhsil müəssisələri üzrə vakansiya seçimi mərhələsinin nəticələri namizədlərin şəxsi səhifələrinə göndərilib. Seçim mərhələsi üzrə 2058 namizəd uğur qazanaraq müsahibə mərhələsində iştirak hüququ qazanıb".

Qeyd edilib ki, uğur qazanmayan və ya vakansiya seçimində iştirak etməyən namizədlər müsabiqənin növbəti vakansiya seçim mərhələsində iştirak edə bilərlər.
Qeyd edək ki, müəllimlərin işə qəbulu üzrə müsabiqənin ümumi vakansiya seçimi mərhələsi 12-15 avqust tarixlərində həyata keçiriləcək.

Müəllif: Ülkər Vəliyeva (Milli.Az redaktor)