Ölkə

Gəmi kapitanının nəşi ölkəyə gətirilir - XİN

18 İyul 2026 19:24

Baxış: 465

VTB-də minimal faiz dərəcəsi ilə nağd kredit 9.9%-dən

#XIN

Odessa yaxınlığında vurulan gəminin kapitanının cənazəsi Azərbaycana yola salınıb.

Bu barədə Azərbaycan Xarici İşlər Nazirliyindən Milli.Az-a məlumat verilib.

"Azərbaycan Respublikasının Ukraynadakı səfirliyi tərəfindən görülmüş müvafiq konsulluq tədbirləri və əlaqələndirmə işləri nəticəsində 17 iyul tarixində "Atlas Bey" gəmisinin kapitanı Səməd Nəsrullayevin cənazəsi ölkəmizə yola salınıb. Həlak olan gəmi kapitanının ailəsinə və yaxınlarına bir daha dərin hüznlə başsağlığı veririk. Allah rəhmət eləsin!", - məlumatda deyilir.

Qeyd edək ki, iyulun 14-də Ukraynanın Odessa sahilləri yaxınlığında Türkiyənin Okean Maritime şirkətinə məxsus "Atlas Bey" adlı mülki ticarət gəmisi dron hücumuna məruz qalıb. Gəminin ekipaj üzvlərindən 11-i Azərbaycan vətəndaşı olub.

Mülki ticarət gəmisinin heyətindəki 10 nəfər Azərbaycan vətəndaşı Moldovaya keçməklə Türkiyə üzərindən Azərbaycana yola salınıb, gəmi kapitanı Səməd Nəsrullayevin nəşi tapılıb.

Müəllif: Ülkər Vəliyeva (Milli.Az redaktor)