Ölkə

Ötən tədris ilində Azərbaycanda 200 tələbə vəfat edib

19 İyun 2026 21:14

Baxış: 378

VTB-də minimal faiz dərəcəsi ilə nağd kredit 9.9%-dən

#TƏLƏBƏ

Ötən tədris ilində Azərbaycanda 200 tələbə vəfat edib.

Milli.Az "Report"a istinadən xəbər verir ki, bu, Dövlət İmtahan Mərkəzinin "Abituriyent" jurnalının 12-ci nömrəsində dərc etdiyi 2025/2026-cı tədris ili üçün tələbə qəbulu və ümumi təhsil müəssisələri üzrə buraxılış imtahanları nəticələrinə dair elmi-statistik materiallarında yer alıb.

Bildirilib ki, onlardan 33-ü bakalavriat, 5-i magistratura, 67-si tam orta ixtisas, 95-i isə orta ixtisas bazası üzrə təhsil alan tələbələr olublar.

Bundan başqa, 2025-ci ildə akademik borca görə 938, digər təhsil müəssisəsinə köçürülmə ilə əlaqədar 926 , təhsil haqqının ödənilməməsinə, dərs buraxmaya görə və ya öz xahişi ilə 12 969 tələbə universitetdən xaric edilib.

Təhsil müəssisəsinin fəaliyyətinin dayandırılması ilə əlaqədar xaric edilən tələbələrin sayı 115-dir.

Ötən il təkrar kursda saxlanılan tələbələrin sayı isə 114 nəfərdir.

Müəllif: Ülkər Vəliyeva (Milli.Az redaktor)