Ölkə

Aparılan tikinti uşaq bağçası üçün təhlükə törədir? - VİDEO

3 İyun 2026 22:49

Baxış: 1 361

VTB-də minimal faiz dərəcəsi ilə nağd kredit 9.9%-dən

#VİDEO #UŞAQ BAĞÇASI

Bakının Suraxanı rayonu, Qaraçuxur qəsəbəsi, Cəlal Qurbanov küçəsində yerləşən "Pearls Kids" uşaq bağçasının damında qanunsuz tikinti aparıldığı iddia edilir.

Bu azmış kimi, bağçanın ətrafında heç bir təhlükəsizlik tədbirlərinin görülmədiyi bildirilir.

Milli.Az Xəzər TV-yə istinadən xəbər verir ki, tikintinin qanunsuz olması ilə bağlı sosial şəbəkələrdə də paylaşımlar edilib.

Məlum olub ki, burada tikinti işləri aparılsa da, uşaqların təhlükəsizliyinin təmin olunması ilə bağlı zəruri tədbirlər görülməyib.

Özünü bağçanın direktoru kimi təqdim edən Aynur adlı xanım burada aparılan işlərin tam qanuni olduğunu bildirsə də, rəsmi sənəd təqdim etməyib.

Uşaqların təhlükəsizliyi məsələsinə gəlincə, o, körpələrin oyun saatlarında tikintinin dayandırıldığını bildirib.

Məsələ ilə bağlı Suraxanı Rayon İcra Hakimiyyətindən bildirilib ki, icra hakimiyyəti tərəfindən bağça rəhbərliyinə tikinti işlərinin dayandırılması tövsiyə olunub. Həmçinin bununla əlaqədar aidiyyəti dövlət qurumlarına da məlumat verilib.

Milli.Az