Ölkə

Azərbaycanda Çin malları bahalaşa bilər

16 Mart 2026 10:32
Baxış: 1 226
VTB-də minimal faiz dərəcəsi ilə nağd kredit 9.9%-dən
#ÇİN #AZƏRBAYCAN

Regionda baş verən gərginlik və İran üzərindən keçən tranzit yollarında yaranan problemlər Azərbaycana idxal olunan malların qiymətinə təsir göstərə bilər.

Çin mallarının satışı ilə məşğul olan sahibkarların Milli.Az-a verdikləri məlumata görə, İran ərazisi Çin və digər Asiya ölkələrindən gələn yüklər üçün əsas marşrutlardan biri hesab olunur.

Bu istiqamətdə daşınmalarda gecikmə və ya məhdudiyyət yaranması logistika xərclərinin artmasına səbəb olur.

Nəqliyyat və sığorta xərclərinin bahalaşması ilk növbədə Çin istehsalı olan ucuz istehlak mallarının qiymətinə təsir edir. Xüsusilə geyim, ayaqqabı, elektronika, məişət texnikası və bazarlarda satılan xırdavat məhsullarında qiymət artımı daha tez hiss olunur.

Bildirilib ki, yükdaşımada alternativ marşrutlardan istifadə edilməsi malların maya dəyərini yüksəldir. Bu səbəbdən telefon, televizor, noutbuk, plastik və məişət əşyaları, tikinti materialları, avtomobil ehtiyat hissələri kimi məhsulların qiymətində artım gözlənilir.

Hazırkı vəziyyət davam edərsə, idxal olunan bəzi mallarda qiymətlər orta hesabla 5-15 faiz arta bilər. Ucuz Çin mallarında artım nisbətən az, texnika və ehtiyat hissələrində isə daha çox ola bilər.

Qeyd edək ki, Azərbaycan bazarında satılan qeyri-ərzaq məhsullarının böyük hissəsi Çin istehsalıdır və onların ölkəyə gətirilməsi əsasən tranzit yollarından asılıdır.

Ayxan

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.