Ölkə

Bu il Bakıda mənzillərin qiyməti bahalaşacaq? - AÇIQLAMA

30 Yanvar 2026 15:07

Baxış: 1 632

VTB-də minimal faiz dərəcəsi ilə nağd kredit 9.9%-dən

#BAKI #MƏNZİL

Dünyanın tanınmış "S&P Global Ratings" beynəlxalq reytinq agentliyi bildirilib ki, bu il Azərbaycanda daşınmaz əmlak qiymətlərində artım tempi əvvəlki illərlə müqayisədə zəifləyəcək, lakin qiymətlərin azalacağı proqnozlaşdırılmır.

Qeyd edilib ki, Azərbaycanda inflyasiyaya uyğunlaşdırılmış mənzil qiymətlərində artımın 2026-cı ildə 5-6% səviyyəsində olacağı gözlənilir.

Mövzunu Milli.Az-a şərh edən Azərbaycan Qiymətləndiricilər Cəmiyyətinin sədri Vüqar Oruc bildirib ki, bu il köhnə binaların sökülməsi həmin binalarda yerləşən mənzillərə tələbatın azalmasına səbəb olacaq.

"Artıq köhnə tikililər risk daşıyıcısı hesab olunur və daşınmaz əmlak bazarında əvvəlki prioritet mövqelərini itirib. Eyni zamanda yeni binaların tikintisi ilə bağlı xərclərin artması tikinti fəaliyyəti ilə məşğul olan sahibkarların imkanlarını məhdudlaşdırır. 2025-ci ildə paytaxt üzrə köhnə mənzillərin orta çəkili qiymət artımı faktiki olaraq 9,4 % təşkil edib. Bu il isə göstəricinin 6,5 %-ə, 2027-ci ildə isə 5,2 %-ə enəcəyi proqnozlaşdırılır.

Sədr qeyd edib ki,"S&P Global Ratings" beynəlxalq reytinq agentliyinin açıqladığı proqnoz Azərbaycan Qiymətləndiricilər Cəmiyyətinin bir ay qabaq verdiyi proqnozla üst-üstə düşür.

"Növbəti ildə də qiymət artım tempinin daha da zəifləyəcəyi və bazarın sabitləşmə mərhələsinə keçəcəyi gözlənilir. Bakı Şəhərinin Baş Planına nəzər saldıqda isə paytaxtda tikinti həcminin böyük olmadığı müşahidə olunur. Qiymət artımına gəldikdə, mənzillərin bahalaşma prosesi davam edəcək. Lakin əvvəlki illərlə müqayisədə qiymət artımının tempi daha zəif olacaq", - deyə o qeyd edib.

Ayxan
Milli.Az

Milli.Az - Xəbər Portalı

Bu il Bakıda mənzillərin qiyməti bahalaşacaq? - AÇIQLAMA

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?