Ölkə

Tarixi görüşün saatı bilindi

15 Avqust 2025 09:30
Baxış: 2 321
VTB-də minimal faiz dərəcəsi ilə nağd kredit 9.9%-dən
#SİYASƏT #DONALD TRAMP #VLADİMİR PUTİN

Rusiya Prezidenti Vladimir Putin Alyaskada ABŞ Prezidenti Donald Trampla keçirəcəyi görüşə gedərkən Maqadana səfər edib. Bu barədə Kremlin mətbuat katibi Dmitri Peskov məlumat verib. O bildirib ki, dövlət başçısı şəhərə tam regional səfər çərçivəsində gedib.

Peskovun sözlərinə görə, bugün Alyaskada Rusiya və ABŞ nümayəndə heyətləri arasında Ukrayna münaqişəsinin həlli ilə bağlı danışıqlar keçiriləcək. Prezidentin beynəlxalq məsələlər üzrə müşaviri Yuri Uşakov qeyd edib ki, görüş Moskva vaxtı ilə saat 22:30-da başlayacaq. Dövlət başçılarının təkbətək görüşü tərcüməçilərin iştirakı ilə olacaq. Ağ Ev isə görüşün saat 22:00-da başlanacağını açıqlayıb.

Vladimir Putin Maqadanda "Omega-Si" balıq yağı emalı zavodunu, "Mayak" parkının mədəni və sosial mərkəzini, həmçinin Prezidentin ümumrespublika idman-sağlamlıq kompleksini ziyarət edəcək. O, həmçinin Alsib (Alyaska-Sibir) magistralının qəhrəmanlarına həsr olunmuş abidəyə gül dəstəsi qoyacaq və Maqadan vilayətinin qubernatoru Sergey Nosovla görüşəcək.

Görüş öncəsi Rusiya xarici işlər naziri Sergey Lavrov və Rusiyanın ABŞ-dəkı səfiri Aleksandr Darçiyev artıq Alyaskaya çatıb. Danışıqlarda müdafiə naziri Andrey Belousov, maliyyə naziri Anton Siluanov, Prezidentin köməkçisi Yuri Uşakov və xüsusi nümayəndə Kirill Dmitriyev də iştirak edəcək.

İslam
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.