Ölkə

Prezident Nicat Quliyevə yüksək vəzifə verdi

22 May 2025 12:59

Baxış: 1 425

VTB-də minimal faiz dərəcəsi ilə nağd kredit 10.49%-dən

#CƏMİYYƏT

"Azərbaycan Dəmir Yolları" QSC-də (ADY) yeni təyinat həyata keçirilib.

Milli.Az "Azərbaycan Dəmir Yolları" QSC-yə istinadən xəbər verir ki, Azərbaycan Respublikası Prezidentinin 22 may 2025 tarixli sərəncamına əsasən, Nicat Tofiq oğlu Quliyev "Azərbaycan Dəmir Yolları" QSC sədrinin müavini vəzifəsinə təyin edilib.

Qeyd edilir ki, Nicat Quliyev 1985-ci ildə anadan olub. 2005-ci ildə Bakı Dövlət Universitetinin Hüquq fakültəsinin bakalavriat və 2007-ci ildə magistratura pillələrini fərqlənmə ilə bitirib.

2009-cu ildən 2015-ci ilə qədər Azərbaycan Respublikası Dövlət Neft Şirkəti (SOCAR) və "Azəryolservis" ASC-də müxtəlif vəzifələrdə çalışıb.

2015-ci ildə "Azərbaycan Dəmir Yolları" QSC-də fəaliyyətə başlayıb, 2016-2025-ci illərdə Hüquq departamentinin müdiri və ADY sədrinin müşaviri vəzifələrini icra edib.

ADY-də çalışdığı müddətdə bir sıra layihələrə rəhbərlik edib. 2020-ci ildə ADY-nin "140 illik yubiley medalı" ilə təltif olunub.

Milli.Az