Göygöldən müharibəyə çağırıldı, 156 düşmən əsgərini əsir götürdü, Qazaxıstana sürgün edildi

Uzun illər Azərbaycanda yaşamış bu hərbçinin hesabında 156 düşmən əsiri var. Onun başı üçün almanlar 25 min, canlı ələ keçirilməsi ümün isə 50 min reysmarka təklif edirdi. Xidmət dövrü ərzində 2 dəfə ağır olmaqla, 5 dəfə yaralanmışdı. Buna baxmayaraq, 1945-ci ilkdə o, Berlin şəhəri uğrunda döyüşlərə də qatıldı və  yalnız 1949-cu ildə təqaüdə çıxdı.

Milli.Az Azərbaycanın Göygöl şəhərində yaşamış yunan əsilli sovet hərbçisi Vasili Fisatidi və onun şücayət yoluna işıq salır.

Jurnalistlər öz nəşrlərində onu fərqli formalarda adlandırıblar. Ancaq qəhrəmanın xarakterini və əməllərini əks etdirən ən uğurlu ləqəb "Kəşfiyyat Şahini"dir. 1940-cı ildə Azərbaycanın Xanlar şəhərindən (indki Göygöl) Qırmızı Ordu sıralarına rəssamlıq məktəbinin məzunu, Anapa şəhərində doğulmuş19 yaşlı yunan əsilli Vasili Fisatidi çağırılır. Tutqun baxışı və fotoqrafik yaddaşı olan gənc hərbi kəşfiyyat məktəbini bitirir. O hətta SSRİ-Almaniya müharibəsi zamanı cəbhədə xidmət edərkən peşə qabiliyyəti üçün imtahan verməli idi. 118-ci atıcı diviziyanın 69-cu artilleriya alayının topoqrafiya xidmətinin əməkdaşı kimi xidmət aparan Fisatidi ilk dəfə 1942-ci ilin avqust ayında özü haqda söz etdirdi. O vaxta qədər bir neçə dəfə düşmən döyüş birləşmələrinin yerləşdiyi yerə gedən hərbçi, 6 düşmən hədəfini təyin etdi və hücum zamanı üç yaralı həmkarını döyüş meydanından çıxara bildi. Buna görə "Döyüş Xidmətlərinə Görə"medalına layiq görüldü. Sonra o 140-cı piyada diviziyasının 69-cu kəşfiyyat bölüyündə tağım komandiri kimi fəaliyyət göstərdi və bir neçə yüksək mükafata: Qırmızı Bayraq ordeni, Qırmızı Ulduz, həmçinin Aleksandr Nevski Ordeni ilə təltif olundu. Döyüş tapşırıqlarını yerinə yetirən leytenant Fisatidi qətiyyətlə hərəkət edir və şəxsi nümunəsi ilə döyüşçülərini ruhlandırırdı. Vasili Fisatidinin günün istənilən vaxtında və istənilən vəziyyətdə alman əsiri tuta biləcəyinə inanılırdı. 1943-cü ilin avqustunda düşmənin arxasına keçən kəşfiyyatçılar, alman qərargahına qumbara atdılar, 9 əsgəri məhv etdilər, əsir götürdülər və sənədləri ələ keçirdilər. Həmin ilin sentyabr ayında bir qrup kəşfiyyatçı ilə Vasili Fisatidi düşmən müdafiəsinin ön cəbhəsində 43 alman əsgərini və zabitini əsir götürdü və hamısını bölmənin qərargahına apardı. 1944-cü ilin avqustunda leytenant Fisatidinin tağımı Volkovo kəndi uğrunda döyüşlərdə iştirak etdi. Kəşfiyyatçılar özlərini yaxşı göstərdilər, 40 düşməni məhv etdilər və 35 düşmən əsgərini əsir götürdülər. Ümumilikdə, müharibə illərində Vasili Fisatidi qərargahına 156 alman əsiri gətirdi. Kəşfiyyatçı müharibəni kapitan rütbəsi ilə bitirdi. 1949-cu ilə qədər Almaniyada Sovet işğalçı qüvvələri qrupunda xidmət etdi və sonra ailəsinin yerləşdiyi Azərbaycanın Zaqatala şəhərinə qayıtdı. Tezliklə yunan milliyətindən olan şəxslərin Qazaxıstana sürgünü ilə bağlı Fisatidi də deportasiyaya uğradı. Qazaxıstanda yaşayan, Sovet İttifaqı Qəhrəmanı adını almayan müharibə qəhrəmanı 1984-cü ilin noyabrına qədər yaşadı. /lent.az

Milli.Az