Ölkə

Sərnişin avtobusu ilə minik maşını toqquşub, xəsarət alanlar var - yenilənib

27 Mart 2025 19:36

Baxış: 788

VTB-də minimal faiz dərəcəsi ilə nağd kredit 10.49%-dən

#HADİSƏ #GƏNCƏ #YOL-NƏQLİYYAT HADİSƏSİ

19:36

Gəncədə sərnişin avtobusunun minik avtomobili ilə toqquşması nəticəsində xəsarət alan şəxslərdən birinin son durumu məlum olub.

Bu barədə Milli.Az-a Tibbi Ərazi Bölmələrini İdarəetmə Birliyindən (TƏBİB) məlumat verilib.

Məlumatda deyilir ki, bu gün saat 15:30-da 1978-ci il təvəllüdlü şəxs (qadın cinsli) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub:

"Çanaq sümüyünün sınığı diaqnozu təyin edilən şəxsin müalicəsi Travmatologiya şöbəsində davam etdirilir, vəziyyəti stabildir".

---------
16:28

Gəncədə yol nəqliyyat hadisəsi baş verib.

Milli.Az APA-ya istinadən xəbər verir ki, hadisə şəhər ərazisində qeydə alınıb.

Hərəkətdə olan 1 saylı xətt üzrə işləyən "Hyundai" markalı sərnişin avtobusu ilə "Toyota" markalı minik maşını toqquşub. Qəza zamanı minik maşınında olanlar, 1983-cü il təvəllüdlü T.Orucova və 1978-ci il təvəllüdlü Z.Bayramova xəsarət alaraq xəstəxanaya yerləşdiriliblər.

Faktla bağlı araşdırma aparılır.

Milli.Az