Ölkə

Bakıda məşhur şadlıq evində mənşəyi məlum olmayan ət aşkar olundu

9 Mart 2025 09:32

Baxış: 1 417

VTB-də minimal faiz dərəcəsi ilə nağd kredit 9.9%-dən

#CƏMİYYƏT #RESTORAN

Nizami rayonu, Babək prospekti, 76 ünvanında fəaliyyət göstərən, fiziki şəxs Eldar Ağa Zəki oğlu Dadaşova məxsus "Sərin" şadlıq evində Azərbaycan Qida Təhlükəsizliyi Agentliyinin (AQTA) əməkdaşları yoxlama keçiriblər.

Milli.Az xəbər verir ki, bu barədə AQTA məlumat yayıb.

Bildirilib ki, baxış zamanı obyektdə sanitar-texniki və sanitar-gigiyenik tələblərin pozulduğu, temperatur rejiminə əməl edilmədiyi, həmçinin mənşəyi məlum olmayan heyvan mənşəli məhsulların istehlaka təqdim edildiyi aşkarlanıb. Araşdırmaların davam etdiyi bildirilib.

Məsələ ilə bağlı danışan "Sərin" şadlıq evinin administratoru Təvəkkül Qurbanov bildirib ki, yayılmış görüntülərdəki salatlar və digər qida məhsulları toy olmadığı üçün öncədən qalıb və həmin məhsullar heç bir halda yenidən süfrəyə verilmir:

"Yeməklərdə istifadə olunan toyuğu isə birbaşa olaraq bazardan alırıq və qətiyyən broylerdən istifadə etmirik. İstifadə olunan məhsulların aktı var, bütün sənədlərimiz qanunauyğun şəkildədir"- deyə, o bildirib.

Eyni zamanda qeyd olunub ki, müvafiq sənədlərin hər biri qaydasındadır və sertifikatları da mövcuddur.

Milli.Az