Ölkə

Evlərdəki TƏHLÜKƏ: Qaz sızmalarının qarşısını necə almaq olar? - VİDEO

19 Yanvar 2025 23:32
Baxış: 351
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Son vaxtlar dəm qazından zəhərlənmələr tez-tez baş verir. Mənzillərdə və fərdi evlərdə qaz sızmasından partlayışlar da az deyil. Mütəxəssislər bildirirlər ki, bu kimi halların qarşısını əvvəlcədən almaq mümkündür. Söhbət qaz sızması, dəm qazı barədə öncədən xəbər verən detektor cihazlarından gedir. Ekspertlər bildirirlər ki, hətta bəzi ölkələrdə bu cihazlardan istifadə məcburidir.

Milli.Az Xəzər TV-yə istinadən məlumat verir ki, qaz sobasının quraşdırıldığı otaqlarda detektor cihazının yerləşdirilməsi təhlükəsizliyi xeyli artırır.

Ancaq vətəndaşlar nədənsə belə cihazların quraşdırılmasına maraq göstərmirlər.

Mütəxəssislər bildirirlər ki, qaz detektorları qaz sızıntısını erkən aşkar edərək, təhlükə yaranmadan öncə tədbir görməyə imkan yaradır. Qaz detektorlarında yerləşən sensorlar havadakı qaz konsentrasiyasını ölçür. Qaz müəyyən həddi keçdikdə detektor səsli və ya vizual siqnal ilə xəbərdarlıq edir. Bəzi modellər isə havalandırma sistemlərini avtomatik işə salır və ya mənzilə verilən mavi yanacağı bağlayır. Kommunal xidmətlər üzrə mütəxəssis Nüsrət Qasımov deyir ki, detektor cihazları fərdi evlər, mənzillərlə yanaşı, zirzəmilərdə də quraşdırıla bilər.

Ətraflı süjetdə:

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.