Ölkə

Azərbaycanda bu qədimi sənət UNESCO-nun qeyri-maddi irs siyahısına salındı - VİDEO

4 Dekabr 2024 07:00

Baxış: 1 539

VTB-də minimal faiz dərəcəsi ilə nağd kredit 9.9%-dən

#VİDEO #UNESCO

Azərbaycanın təndirçilik sənəti və çörəkbişirmə üsulu BMT-nin Elm, Təhsil və Mədəniyyət üzrə ixtisaslaşmış qurumu UNESCO-nun qeyri-maddi irs siyahısına salınıb.

Milli.Az-ın məlumatına görə, bu barədə UNESCO üzrə Azərbaycan Milli Komissiyasının "X" səhifəsində bildirilib.

"Bu gün Paraqvayın Asunsion şəhərində keçirilən UNESCO-nun Qeyri-maddi Mədəni İrs üzrə Hökumətlərarası Komitəsinin 19-cu sessiyasında "Azərbaycanda təndir sənətkarlığı və çörək bişirmə mədəniyyəti" nominasiyası uğurla Bəşəriyyətin Qeyri-maddi Mədəni İrsinin Reprezentativ Siyahısına daxil edildi!

Bununla, Azərbaycanın UNESCO-nun qeyri-maddi mədəni irs siyahılarındakı irs nümunələrinin sayı 24-ə çatdı.

Azərbaycan xalqının zəngin mədəniyyətini və adət-ənənələrini əks etdirən bu qeyri-maddi mədəni irs nümunəsi, eyni zamanda, dünya mədəniyyətinə töhfədir. Bu nailiyyət UNESCO dəyərlərinin təbliğinə Azərbaycanın davamlı dəstəyini ifadə edir.

Bütün Azərbaycan xalqını bu uğur münasibətilə ürəkdən təbrik edirik!", - UNESCO üzrə Azərbaycan Milli Komissiyasından bildirilib.

Milli.Az