Ölkə

Vilyam Hacıyevə hər ay 3 min AZN ödəyən rəis işdən çıxarıldı

25 Noyabr 2024 11:44

Baxış: 695

İmişli Suvarma Sistemləri İdarəsinin rəisi Nizami Sabir oğlu Məmmədov vəzifəsindən azad edilib.

Milli.Az xəbər verir ki, pravda.az-ın əldə etdiyi məlumata görə, bununla bağlı müvafiq əmr imzalanıb.

Qeyd: N.Məmmədov İmişlinin həbsdə olan sabiq icra başçısı Vilyam Hacıyevin məhkəməsində verdiyi ifadəsində bildirmişdi ki, V.Hacıyevə hər ay 3 min AZN ödəyir.

"Əks halda, işləməyinə imkan verilməzdi. Qohumum Beton Zavodunda işləyirdi. Rayonda icra hakimiyyətinin sifarişi ilə bina tikilirdi. O binanın beton işini qohumuma versinlər deyə, pul vermişdik. Ayda özüm də idarə rəisi kimi 3000 manat verirdim. Çünki rayonun yiyəsi idi, yoxsa işləyə bilməzdim. Su qıt idi, camaatda narazılıq yaranırdı. Camaatı öyrədib üstümüzə salırdılar. Verməsək, işləmək qeyri-mümkün idi", - idarə rəisi ifadəsində qeyd edib.

Milli.Az