Ölkə

“Avtoş”luq edənlər cəzalandırıldı - VİDEO

31 İyul 2024 09:35

Baxış: 2 275

VTB-də minimal faiz dərəcəsi ilə nağd kredit 10.49%-dən

#VİDEO #SÜRÜCÜ #YOL POLİSİ #CƏZA

Gəncədə yol hərəkəti qaydalarını kobud şəkildə pozaraq digər sürücülərə təhlükə yaradan, cəmiyyətə açıqca hörmətsizlik edən bir qrup sürücü saxlanılaraq barələrində müvafiq tədbirlər görülüb.

Milli.Az qafqazinfo-ya istinadən xəbər verir ki, araşdırmalarla polis əməkdaşları tərəfindən saxlanılan, Gəncə şəhər sakinləri Cahad Əlizadə, Fərid Quliyev, Zaur Cabbarzadə və Elvin Qasımovun müxtəlif vaxtlarda şəhərin bəlli küçə və yollarında avtoxuliqanlıq hərəkətləri etmələri məlum olub.

"Mercedes", "BMW" və "VAZ 21074" markalı avtomobilləri idarə edərək yollarda intizamsızlıq edən, yol hərəkəti qaydalarını kobud şəkildə pozan bu şəxslər barəsində inzibati protokollar tərtib olunaraq baxılması üçün məhkəməyə göndərilib.

Məhkəmənin qərarı ilə Z. Cabbarzadə və E.Qasımov 15 sutka inzibati qaydada həbs edilib, digər sürücülər barəsində isə digər tənbeh tədbirləri seçilib.

Milli.Az
Xəbərlərimizi WhatsApp kanalımızdan da oxuyun