Ölkə

Erməni ekspertdən qəribə iddia: Əgər Kamil qaytarılsa…

22 Fevral 2024 02:10

Baxış: 1 907

#ERMƏNİSTAN #İDMANÇI

Erməni mediası və ekspertləri azərbaycanlı idmançı Kamil Zeynallının Moskvadan qayıdarkən Domodedovo hava limanında saxlanılması ətrafında "şərhləri" davam etdirirlər.

Milli.Az axar.az-a istinadən bildirir ki, az öncə Beynəlxalq və Müqayisəli Hüquq Mərkəzinin prezidenti Siranuş Saakyan Kamil Zeynallının Azərbaycana qaytarılacağı halda Rusiyanın "müharibəyə sponsorluq etdiyinin üzə çıxacağı" iddiası ilə şantaja başlayıb.

O iddia edib ki, guya Kamil Zeynallı köməksiz erməni mülki şəxsi xüsusi amansızlıqla qətlə yetirib və bunu internetdə yayıb. Buna görə də Ermənistanda barəsində 4 maddə ilə cinayət işi açılaraq, beynəlxalq axtarışa verilib.

Saakyan Ermənistana verilməyəcəyi halda K.Zeynallını Rusiyanın da "mühakimə etmək hüququ" olması ilə bağlı absurd fikir də səsləndirib.

Qeyd edək ki, erməni mediasının yadığı görüntünün Kamil Zeynallıya aidiyyəti yoxdur və ümumiyyətlə onun Rusiyada saxlanılması qanunsuzdur. Digər tərəfdən, Kamil Zeynallı artıq azadlığa buraxılıb. Bu məlumatı erməni ekspertin bilməməsi isə çox qəribədir.

Diqqəti çəkən digər məqam isə Kamil Zeynallının Azərbaycana qayıtması haqda məlumatın olmamasıdır.

Milli.Az
Xəbərlərimizi WhatsApp kanalımızdan da oxuyun