Ölkə

Hüseynin anası: Oğlum gəlir, dünyanın xoşbəxtiyəm...

8 Dekabr 2023 14:05
Baxış: 1 077
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Axşam eşitdik ki, oğlum Azərbaycana gəlir. Mübadilə ilə bağlı razılığa gəlindiyini deyirlər. Hələ ki, bu haqda bizə rəsmi məlumat verilməyib. Ombudsman Aparatından və Qızıl Xaçdan zəng edib, sevincimizi bölüşüblər, göz aydınlığı veriblər.

Milli.Az xəbər verir ki, bu sözləri axar.az-a Ermənistanda tutularaq ömürlük həbs cəzası alan əsgər Hüseyn Axundovun anası Şəlalə Axundova oğlunun erməni əsgərlərlə dəyişdiriləcəyi ilə bağlı xəbərlərə münasibət bildirərkən deyib.

O, bu xəbərin onun üçün gözlənilməz olduğunu bildirib:

"Teleqramda, digər sosial şəbəkələrdə xəbəri gördüm. Ardınca zəng edib dedilər. Aqşinin anasının xəbəri yox idi. Mən ona zəng edib, gözaydınlığı verdim ki, uşaqlarımızı erməni əsgərlərlə dəyişirlər. O da çox sevindi. Bütün qohum-əqrabam bizdədir. Rayondan zəng edirlər ki, biz nə vaxt gələk? Biz Hüseynin dəqiq nə zaman gələcəyini bilmirik. Deyirlər, sürətli dəyişilmə olacaq. Dünyanın xoşbəxtiyəm, məni axşam görsəydiniz... Gözümü hələ yummamışam. Yatmıram ki, birdən oğlum gələr, qarşılaya bilmərəm. Bizə dedilər ki, uşaqlar Bakıya gələn kimi bizimlə telefonla danışdıracaqlar. Bəziləri deyir, bir müddət evə buraxmayacaqlar, həkimlər baxacaq, bəziləri deyir, evə buraxılacaq. Gözləyirik..."

Qeyd edək ki, Azərbaycan Respublikası Prezidentinin Administrasiyası və Ermənistan Respublikası Baş nazirinin Aparatı arasında aparılmış danışıqlar nəticəsində humanizm prinsipinə sadiqlik ruhunda, xoş niyyət göstəricisi olaraq iki ölkə arasında qarşılıqlı etimad tədbiri kimi Azərbaycan tərəfindən erməniəsilli 32 şəxsin, Ermənistan tərəfindən isə 2 Azərbaycan hərbçisinin azad edilməsi barədə razılıq əldə edilib.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.