Ölkə

Azərbaycanın beynəlxalq axtarışa verdiyi şəxs Livandan ölkəyə gətirildi

29 Noyabr 2023 19:36

Baxış: 742

VTB-də minimal faiz dərəcəsi ilə nağd kredit 9.9%-dən

#LİVAN

Beynəlxalq axtarışda olan şəxs Azərbaycana ekstradisiya olunub.

Baş Prokurorluqdan Milli.Az-a verilən xəbərə görə, beynəlxalq hüququn norma və prinsiplərinin tələblərinə uyğun olaraq Azərbaycan Respublikasının vətəndaşı Samir Həsənovun ekstradisiyası haqqında Azərbaycan tərəfinin vəsatəti Livan Respublikasının səlahiyyətli orqanları tərəfindən təmin edilib.

Samir Həsənovun xeyli miqdarda ziyan vurmaqla dələduzluq cinayət əməlini törətməsinə əsaslı şübhələr müəyyən edildiyindən, barəsində təqsirləndirilən şəxs qismində cəlb etmə haqqında qərar qəbul edilərək istintaqdan qaçıb gizləndiyinə görə beynəlxalq axtarışa verilib.

Noyabrın 29-da Ədliyyə Nazirliyinin Penitensiar Xidmətinin xüsusi konvoyunun müşayiəti ilə Samir Həsənov Livandan ölkəmizə gətirilib.

Milli.Az
Xəbərlərimizi WhatsApp kanalımızdan da oxuyun