Ölkə

Bu istehsal müəssisəsində nöqsanlar aşkarlandı

21 Sentyabr 2023 19:29
Baxış: 1 254
VTB-də minimal faiz dərəcəsi ilə nağd kredit 9.9%-dən
#QİDA #SÜD #QİDA TƏHLÜKƏSİZLİYİ

Mingəçevirdə süd və süd məhsullarının istehsalı müəssisəsində nöqsanlar aşkarlanıb.

Bu barədə Milli.Az-a Azərbaycan Qida Təhlükəsizliyi Agentliyindən (AQTA) məlumat verilib.

Bildirilib ki, yoxlama zamanı şəhərin H.Hüseynov küçəsi, 6 ünvanında fiziki şəxs Camalov Ruslan Valeh oğluna məxsus müəssisədə qida təhlükəsizliyinə dair normativ hüquqi aktların tələblərinin kobud şəkildə pozulduğu aşkar edilib. Müəssisədə sanitar-gigiyenik tələblərə əməl olunmadığı, məhsulların istehsalı və emalı zamanı baytarlıq sanitariya tələblərinin gözlənilmədiyi, işçi heyətin ilkin və dövri tibbi müayinədən keçmədiyi məlum olub.

Faktla bağlı qanunvericiliyə uyğun olaraq müəssisə rəhbəri inzibati məsuliyyətə cəlb edilib, həmçinin süd və süd məhsullarının istehsalı müəssisəsinin fəaliyyəti nöqsanlar aradan qaldırılanadək məhdudlaşdırılıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.