Ölkə

Ağcabədidə narkotikə görə 39 nəfər tutuldu - FOTO

19 Sentyabr 2023 09:20

Baxış: 863

VTB-də minimal faiz dərəcəsi ilə nağd kredit 9.9%-dən

#NARKOTİK

Ağcabədi rayonunda son iki ay ərzində narkotik vasitələrin dövriyyəsinə qarşı keçirilən tədbirlər zamanı 39 şübhəli şəxs cinayət məsuliyyətinə cəlb edilib.

Daxili İşlər Nazirliyinin Mətbuat Xidmətinin Bərdə regional qrupundan Milli.Az-a verilən məlumata görə, Ağcabədi Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində narkotik vasitənin dövriyyəsində şübhəli bilinən Hindarx qəsəbə sakini, əvvəllər də eyni əmələ görə məhkum olunmuş Malik Allahverdiyev saxlanılıb.

Onun Hindarx qəsəbə ərazisindəki yaşadığı ünvanda aparılan axtarış zamanı 3 kiloqramdan artıq narkotik vasitə olan marixuana aşkar edilərək götürülüb. Saxlanılan şəxs ilkin dindirilmə zamanı həmin narkotik vasitəni əldə etmək üçün bir müddət əvvəl özünəməxsus əkin sahəsində çətənə bitkisinin kultivasiyasını təşkil etdiyini bildirib. Onun bu əməlləri polis əməkdaşları tərəfindən ifşa olunub və barəsində Cinayət Məcəlləsinin müvafiq maddəsi ilə cinayət işi başlanılıb.

Bundan əlavə, Ağcabədi rayonunda son iki ay ərzində narkotiklərin dövriyyəsinin qarşısının alınması istiqamətində keçirilən mütəmadi tədbirlər nəticəsində daha 38 şübhəli şəxs müəyyən edilib.

Milli.Az