Ölkə

Bakıda dördzolaqlı yolun bir hissəsi satılıb? - AAYDA aydınlıq gətirdi

6 İyul 2022 18:25
1 Şərh     Baxış: 2 794
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ötən gün bəzi xəbər saytlarında "Dördzolaqlı yolun bir hissəsi satılıb?" başlığı ilə məlumat verilib. Məlumatda qeyd olunur ki, Yeni Günəşli, Qaraçuxur qəsəbələrini Babək prospekti ilə birləşdirən 4 zolaqlı yolun 1 zolağı qəbiristanlıq ərazisinə satılıb.

Bu barədə Azərbaycan Avtomobil Yolları Dövlət Agentliyindən (AAYDA) Trend-ə bildirilib ki, Azərbaycan Avtomobil Yolları Dövlət Agentliyi tərəfindən Babək prospektinin sonundan Yeni Günəşli qəsəbəsinə gedən avtomobil yolunun sağ tərəfindəki qəbirsanlıqda və ona bitişik ərazidə baş verən torpaq sürüşməsi ilə bağlı istinad divarının tikintisi işləri Azərbaycan Respublikası Nazirlər Kabinetinin tapşırığı ilə Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin "Azərdövlətsənayelayihə" İnstitutu tərəfindən hazırlanmış layihə-smeta sənədlərinə əsasən icra olunur.

Qeyd edək ki, istinad divarı layihəyə uyğun olaraq, eni 14 metr təşkil edən yolun 4 hərəkət zolağı saxlanılmaqla inşa edilir.

Xahiş edirik nəzərə alasınız və avtomobil yolları, yol qurğuları ilə bağlı hər-hansı bir məlumat verilməmişdən öncə AAYDA-nin İctimaiyyətlə əlaqələr şöbəsi ilə dəqiqləşdirmə aparasınız.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.