Ölkə

Yaşı 65-i keçənlər işdən ÇIXARILIR - Qocaman kadrlara güzəşt edilməyəcək

18 May 2022 03:12
9 Şərh     Baxış: 8 694

Dövlət qurumlarında çalışan və yaşı 65-dən yuxarı olan şəxslər güzəşt olunmadan təqaüdə göndərilir. Belə ki, bir çox qurumlar dövlət qulluğuna qəbul olmaq istəyən gənclərə şərait yaradılması, vakansiyaların artırılması məqsədilə pensiya yaşına çatmış kadrlarla yollarını ayırır.  

Bundan əvvəl isə təcrübəli kadrların işə davam etməsi üçün onlara əlavə bir neçə il güzəşt edilirdi. Hazırda bu tendensiya nisbətən aradan qaldırılır, nəticədə gənclərə yeni iş imkanları yaradılır. 

Milli.Az bildirir ki, bu barədə Modern.az-a danışan Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov prosesin əslində çoxdan başlandığını söyləyib. Deputat bildirib ki, 65 yaşdan yuxarı işçilər artıq tədricən qurumlardan uzaqlaşdırılır:

"Amma mən bəzi məqamlarda bu prosesin o qədər də tərəfdarı deyiləm. Çünki bəzi sahələrdə təcrübəli insanları yaşı çox olsa da saxlamaq lazımdır. Yeni gələn cavanların təcrübəsi yoxdur, müəyyən səhvlərə yol verə bilərlər. Amma yanında təcrübəli şəxslərlə çalışsalar, nisbətən daha asan və məhsuldar iş ortaya qoymaq olar. Yaşlıların təqaüdə göndərilməsinə təəccübələnməmək lazımdır. Cavanlaşma prosesinə çoxdan start verilib. Müəyyən qurumlara cavan rəhbərlər, nazirlər də gətirilib".

Vahid Əhmədov qeyd edib ki, "Dövlət qulluğu haqqında" qanun qəbul ediləndə ona səs verib, amma prosesdə çatışmazlıqlar da var:

"Qanunun qəbulu vacib məsələlərdən biri idi. Digər tərəfdən bu qanunla biz qurumun rəhbərinin səlahiyyətlərini məhdudlaşdırırıq. Qurumun rəhbəri istədiyi təcrübəli adamı işə götürə bilmir. Həmin şəxs mütləq dövlət qulluğundan keçməlidir. Elə adamlar var, dövlət qulluğundan keçə bilməsə də bunu bacarandan daha yaxşı işləyir. Düşünürəm, problem tədricən həllini tapacaq".

Milli.Az 

İllik 14.5%-dən 30 000 manat zaminsiz komissiyasız kredit

Şərh yaz:

9 Şərh:

  • Anonim
    @ · 18 May 03:52120

    Yaşı 65i keçənlərin içində ailə dolandiranlar, külfətə baxanlar var. Onları kim düşünəcək? Guya cavanlar işə götürülür , yaşı 35i keçənlər heç bir işə götürülmür. Onlarda nədir problem?

    Cavab yaz
  • Anonim
    ALEKS❤️ · 18 May 09:42120

    35 yaşdan o tərəfi işə götürmürlər.səbəbi yaşlısan,bizə daha cavan,xüsusən qızlar lazımdı.35 yaş elə bir vaxtırki...artıq ailəlisən,evladlar,qayğılar....bir sözlə dolanışığı ehtiyacın çoxdu.bu yaşda da səni işə qəbul eləməmək....bunu heç cür başa düşə bilmirəm.bu genosiddi nədi???Əksinə,pensiya yaşına qədər hər kəsi işə götürmək lazımdır,onların boğazı yoxdumu?elanlara baxırsan,cavan işçi qız axtarır.cavan oğlan lazım deyil?.bu rəzalətdi.Qanunla bu məsələlər məcburi həllini tapmalıdır.

    Cavab yaz
    • Anonim
      @ · 18 May 11:24100

      Elədir vallah. Adamı, pulu olmayanı işə götürmürlər. 65 yaşlıları da bəhanə ediblər. 65 yaşlılar da kefindən işləmir. Evində bir çətən külfət gözləyir. İndi neçə ailə tanıyıramki nəvəyə, kürəkənə, gəlinə baxır. Camaatı çörəksiz qoymaqdan ötrü ölürlər.

      Cavab yaz
  • Anonim
    advokat · 18 May 11:2290

    Absurd və heç kimə sərf etməyən yararsız qərardı.

    Cavab yaz
  • Anonim
    Seid · 18 May 14:0660

    MM den bashlamaq lazimdir. orada 70-90 yashlilar var. hercentdir orada olan cavnlardan ne xeyir?

    Cavab yaz
  • Anonim
    vuqar · 18 May 14:3460

    görəsən hamıya şamil olunacaq? onda 35 yaşdan yuxarı onlara şans açılacaq, yəqinki. bəxtiniz açıldı, sizə daha qoca deməyəcəklər )))))

    Cavab yaz
    • Anonim
      Lala · 19 May 09:3130

      İnanmayın. Bütün səddlər aşağı təbəqəyə aiddir. Yuxarılar yenə 70+ olacaq...

      Cavab yaz
  • Anonim
    Lala · 18 May 16:1560

    Yaşı 70i ötsə də bir neçə kresloda oturanları niyə yazmırlar...

    Cavab yaz
  • Anonim
    Günel · 18 May 18:5160

    İlk növbədə Milli Məclisdəki naftalin iyi verənlərdən,yalnızca say artıranlardan qurtulmaq lazımdır, büdcənin də yükü xeyli azalar

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics