Breyn Rinq

“Breyn Rinq”in növbəti oyunu bazar günü İTV-nin efirində yayımlanacaq

13 Oktyabr 2022 10:00

Baxış: 12 754

#BREYN RİNQ

Azərbaycanın ən intellektual oyunlarından biri "Breyn Rinq" "Nar"ın dəstəyi ilə növbəti mövsümə başlayır. İntellektual yarışmanın sayca 20-ci mövsümü oktyabrın 16-da saat 19.20-də İctimai Televiziyanın efirində nümayiş olunacaq. Qeyd edək ki, ötən verilişdə "Gəncə" komandası ADAU və BDU-nun komandaları üzərində qələbə qazanaraq növbəti mərhələyə vəsiqə qazanıb.

Ötən verilişdə olduğu kimi, bu dəfə oyunlara məktəblilərdən tutmuş, ən müxtəlif yaş qrupunu təmsil edən insanların baxacağı şəksizdir. Bunu müraciət edən komandaların sayının əvvəlki illərlə müqayisədə çox olması da təsdiq edir. Gəncləri stimullaşdırmağa yönələn oyunlar gəncləri elmə, təhsilə, biliyə olan marağı artırmağa səy göstərir, maariflənməni təşviq edir. Artıq 9 ildir ki, "Nar"ın dəstəyi ilə yayımlanan ölkənin ən maraqlı intellektual yarışında respublikanın əksər bölgələrinin nüfuzlu ali məktəblərinin tələbələri mübarizə aparır. Azərbaycanın bütün regionlarını əhatə edən oyunların bir hədəfi var - gənclərin maariflənməsi, dünyagörüşü və analitik düşüncə bacarığının inkişafı. Bütün komandalara oyunlarda uğurlar arzulayırıq.

Azər Nuriyev
Milli..Az