Avto

DMC-dən Lamborghini Huracan - FOTO

7 Dekabr 2014 14:47

0 Şərh Baxış: 1 630

#AVTO #AUTOMOBİLİ LAMBORGHİNİ SPA

Superkar "Lamborghini Huracan" üçün tüninq-paketin kompyuter təsvirinin nümayişindən sonra alman şirkəti DMC nəhayət italyan kupesinin tamamlanması üzrə proqram barədə ətraflı məlumat verdi.

Milli.Az auto.az-a istinadən bildirir ki, aerodinamik asma və dəbli təkərlərlə yanaşı, tamamlanma dəstinə daxili bəzək və güc qurğusunun təkmilləşdirilməsi daxildir. Hazırda tüner təkmilləşdirmənin 2-ci mərhələsindədir.

Parlaq qırmızı "Verde Mantis" rəngli superkarı daha aqressiv etmək üçün almanlar aşağı splitteri, standart qabaq bamper üçün ətraf əlavələri, yan ətəkləri, arxa bamperdə böyük diffuzoru və 3 səviyyəli böyük palçıq qoruyucusu olan yeni bodi-kit hazırlayıblar.

Bütün komponentlər karbon lifindən hazırlanıb. Salonun bəzədilməsində italyan dərisindən, alkantaradan, karbondan və s. istifadə edilib.

5,2-litrlik V10 mühərrikinin bir qədər optimallaşdırılması və yeni qaz buraxma sisteminin quraşdırılması sayəsində mühərrikin gücünü 20 a.g. artırmaq mümkün olub. O indi 630 a.g. verir.

Milli.Az

Böyütmək üçün şəkillərə klikləyin.