Avto

Başağrı istəmirsinizsə, bu 3 modeldən uzaq durun

4 Dekabr 2025 14:14

Baxış: 2 262

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #AVTO #AVTOMOBİL

Avtomobil bazarında bəzi krossoverlər sərfəli görünə bilər, amma ekspertlər onların tez-tez texniki problemlərlə üzləşdiyini bildirir.

Milli.Az xəbər verir ki, rusiyalı ekspert Evgeni Jitnuxin açıqlamasında ən problemli modellər kimi Land Rover, Volkswagen və Peugeot krossoverlərini göstərib.

Onun sözlərinə görə, "Land Rover Discovery"nin ikinci və üçüncü nəsillərində elektron sistemlər və transmissiyada nasazlıqlar tez-tez baş verir. 3.0 litr həcmli benzin mühərrikində isə 100 min km-dən sonra ciddi problemlər yaranma riski yüksəkdir. Mühərrikdə yağ sərfi artır, fazovraçlar ( mühərrikdə valvların açılma və bağlanma zamanını tənzimləyən mexanizm ) sıradan çıxır və soyutma sistemi nasazlıqları müşahidə olunur.

Volkswagen Tiguanın birinci nəsli də servis mərkəzlərinin daimi qonağıdır. 1.4, 1.8 və 2.0 TSI turbodizellərdə yüksək yağ sərfi problemi var və 100 min km-dən sonra baha təmir tələb olunur. Turbinanın ömrü adətən 150-180 min km-dən artıq olmur. Altı pilləli avtomat transmissiya isə digər klassik modellərə nisbətən daha az etibarlıdır. Həmçinin, modelin karoseriya və asqı hissələrində korroziya halları müşahidə olunur.

Peugeot 2008-in birinci nəsil modeli isə mühərrikləri ilə seçilir. 1.6 (EP6) mühərrikində zəncir 50-80 min km-də dəyişdirilməlidir. 1.2 (EB2) mühərrikində isə zəncir mühərrik ömrünü qısaldır və 100-120 min km-dən sonra problem yarana bilər. Ümumilikdə, Peugeot mühərriklərinin ömrü 200 min km-dən çox olmur.

Jitnuxin qeyd edib ki, məhdud büdcəsi olanlar bu modellərdən uzaq durmalıdır. İlk baxışda ucuz görünsələr də, təmir xərcləri ilkin qənaəti bir neçə dəfə üstələyə bilər.

İsmayıl
Milli.Az

Milli.Az - Xəbər Portalı

Başağrı istəmirsinizsə, bu 3 modeldən uzaq durun

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?