Avto

İsti havada avtomobildə texniki nasazlıq niyə yaranır? - VİDEO

10 İyun 2025 08:48

Baxış: 575

VTB-də minimal faiz dərəcəsi ilə nağd kredit 10.49%-dən

#VİDEO #AVTOMOBİL

Tez-tez olmasa da, nasazlıq səbəbi ilə yollarda qalan avtomobillərə rast gəlinir.

Hətta bununla bağlı təhlükəsiz şəhər kameralaraına düşən görüntülər də Nəqliyyatı İntellektual İdarəetmə Mərkəzi tərəfindən paylaşılır.

Bəs havalar isinən kimi hərəkətdə olan avtomobildə texniki nasazlıq niyə yaranır?

Milli.Az Xəzər TV-yə istinadən bildirir ki, usta Pərviz İsmayılov hesab edir ki, isti havalarda avtomobillərin yolda qalması yanacaq nasosu problemi ilə bağlıdır. Amma bu detal sıradan çıxmazdan əvvəl bir neçə əlamətlə özünü büruzə verir.

Belə vəziyyətdə avtomobilin mühərriki qəfil sönə bilər. Bu isə həm təhlükəli, həm də baha başa gələ biləcək sonluqla nəticələnir. Usta deyir ki, adətən belə hal ən çox da stabil sürətlə uzaq yola çıxanda baş verir.

Usta hesab edir ki, nisbətən ili köhnə olan avtomobillərin sürücüləri mütəmadi olaraq nasosun təzyiqini yoxlatmalı və yanacaq filtrini vaxtında dəyişməklə bu problemin qarşısını ala bilərlər.

Daha ətraflı videomaterialı təqdim edirik.

Milli.Az