Avto

BYD lüks idman avtomobili təqdim etdi - "Tesla" və "Porsche"yə rəqib gəlir - FOTO

23 Aprel 2025 17:41

Baxış: 4 747

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #AVTO #AVTOMOBİL

Çinin elektrikli avtomobil nəhəngi BYD, artıq elektrikli nəqliyyat vasitələrinin satışında uzun müddətdir lider olan Teslanı geridə qoyub. İndi isə şirkət lüks idman avtomobili bazarına iddialı daxil olur.

Milli.Az xəbər verir ki, BYD-nin premium brendi olan "Denza" bu həftə Şanxayda keçirilən Çinin ən böyük avtomobil sərgisi - "Auto Shanghai 2025"də Z adlı yeni modelini təqdim edib.

Dərin mavi rəngli bu cəlbedici model, şirkətin "Porsche" və "Mercedes-Benz" kimi yüksək səviyyəli Qərb brendləri ilə rəqabətə hazır olduğunu göstərir.

Hazırda, ABŞ Prezidenti Donald Trampın idxal avtomobillərinə tətbiq etdiyi yeni tariflər səbəbilə qlobal avtomobil sənayesi çətinliklərlə üzləşir. Bu isə Çin bazarını daha da cazibədar edir və qlobal brendləri yeni strategiyalar qurmağa, o cümlədən Çin istehsalçıları ilə tərəfdaşlıqları gücləndirməyə vadar edir.

BYD, 2024-cü ildə qlobal satışlarda "Tesla"nı geridə qoyaraq Çinin EV bazarındakı liderliyini möhkəmləndirib. Şirkət daxili bazarda "Tesla" ilə müqayisədə daha çox üstünlük əldə edib.

Digər tərəfdən, "Tesla" bu həftə gözləniləndən daha böyük bir gəlir itkisi açıqlayıb. Şirkət, Donald Trampın ticarət müharibəsi, həmçinin Elon Maskın administrasiyadakı rolu ilə bağlı istehlakçı narazılığı kimi amillərlə üzləşib. "Tesla"nın avtomobil satışları 20%, ümumi gəliri isə 9% azalıb. Xalis mənfəəti isə ötən illə müqayisədə 71% aşağı düşüb.

Xəyal Abdullayev
Milli.Az