Avto

Məşhur şirkətdə ixtisarlar - 1900 nəfər işdən çıxarılacaq

17 Fevral 2025 11:00

Baxış: 4 709

VTB-də minimal faiz dərəcəsi ilə nağd kredit 9.9%-dən

#DÜNYADA #VOLKSWAGEN AG #AVTO #PORSCHE AUTOMOBİL HOLDİNG SE #AVTOMOBİL #MAŞIN BAZARI #AUDİ

Dünyanın aparıcı idman avtomobili istehsalçısı "Porsche" iqtisadi vəziyyətini sabitləşdirmək məqsədilə 1.900 nəfəri işdən çıxarmağı planlaşdırır.

Milli.Az xəbər verir ki, şirkət bu addımın dörd il ərzində həyata keçiriləcəyini açıqlayıb.

"Volkswagen" qrupuna daxil olan "Porsche"nin bu qərarı Almaniyada avtomobil sənayesində davam edən ixtisar dalğasının tərkib hissəsidir. 2024-cü ildə "Volkswagen" ümumilikdə 10 min işçini işdən çıxarıb və bu rəqəmin 30 minə qədər artacağı gözlənilir. Porsche ilə yanaşı "Audi" də istehsal müəssisələrində iş yerlərini azaltmaq məcburiyyətində qalıb.

"Porsche" 2029-cu ilə qədər "Stuttgart-Zuffenhausen" və "Weissach" zavodlarında işçi sayını 15 faiz azaltmağı planlaşdırır. 2024-cü ildə artıq 1.500 nəfərin müqaviləsi uzadılmayıb, əlavə olaraq 500 işçi vəzifəsindən azad edilib. Nəticədə ümumi ixtisar sayı 4 minə çatacaq. Şirkət maliyyə vəziyyətinin sabit olduğunu bildirsə də, iqtisadi və geosiyasi problemlərin ciddi çətinliklər yaratdığını vurğulayıb.

"Porsche"nin satışları ötən il Almaniya bazarında üç dəfə artsa da, ABŞ, Çin və Avropada eyni səviyyədə qalıb. Artan istehsal və əməyin dəyəri şirkəti ixtisar qərarı verməyə vadar edib.

İslam
Milli.Az