Avto

Togg-un 2025 model qiymətləri açıqlandı

19 Yanvar 2025 09:09

Baxış: 587

#AVTOMOBİL

Türkiyənin avtomobil layihəsi Togg-un 2025-ci il model avtomobillərinin qiymətləri elan edilib. Yeni ildə qiymətlər artırılmayıb və təqdim edilən kredit imkanları diqqət çəkib.

Türkiyənin elektrikli avtomobili Togg T10X, 2025-ci ilə qiymətlərdə artım olmadan başlayıb. Yanvar ayı ərzində T10X V2 modeli üçün 0%-lik faizli kredit və uyğun ödəniş şərtləri təklif edilir.

2024-cü ildə 30,093 istifadəçiyə təhvil verilən T10X modelinin qiymətləri 2025-ci ildə də dəyişməz olaraq saxlanılıb. Yanvar ayı boyunca təqdim edilən ödəniş imkanları və kredit fürsətləri alıcıların diqqətini çəkir.

Kampaniya çərçivəsində T10X V2 modeli üçün təklif olunan kredit seçimləri:

500 min TL kredit: 12 ay müddətinə 0%-lik faizlə və ya 30 ay müddətinə 2,29%-lik faizlə.
650 min TL kredit: 12 ay müddətinə 0,99%-lik faizlə və ya 30 ay müddətinə 2,69%-lik faizlə.
Bu şərtlər xüsusilə yüksək faiz dövrlərində istifadəçilər üçün böyük üstünlük təşkil edir.

Tamamilə elektrikli olan Togg T10X, Türkiyədə mobillik dönüşümünün ilki kimi seçilir.

2025-ci ilə aid xüsusi kampaniyalarla daha çox istifadəçiyə çatmağı hədəfləyən Togg, ekoloji cəhətdən dost və texnoloji avtomobilləri ilə bazarda mövqeyini gücləndirir.

Togg-un sabit qiymət siyasəti və cazibədar ödəniş imkanları elektrikli avtomobil almağı düşünən müştərilər üçün cəlbedici alternativ yaradır.

Lalə Qüdrətova
Milli.Az