Amerika

Konqres binasına basqında iştirak edən şəxs Pentaqonda işə götürüldü

3 İyun 2026 14:23

Baxış: 791

VTB-də minimal faiz dərəcəsi ilə nağd kredit 9.9%-dən

#AMERİKA

2021-ci ilin yanvarında ABŞ Konqres binasına - Kapitoliyə basqında iştirak etdiyinə görə məhkum olunmuş şəxs Pentaqonun terrorla mübarizə bölməsində işə qəbul edilib.

Milli.Az xəbər verir ki, bu barədə "The Washington Post" mənbələrə istinadən məlumat yayıb.

Məlumata görə, hadisə zamanı 19 yaşı olan Elias Irizarry basqında iştirak etdiyinə görə 14 sutka həbs cəzası alıb. Hazırda o, Pentaqonun Xüsusi Əməliyyatlar və Aşağı İntensivli Münaqişələr İdarəsinin (OSLC) terrorla mübarizə şöbəsində fəaliyyət göstərir.

Nəşrin həmsöhbətləri bildiriblər ki, bu təyinat bəzi əməkdaşlar arasında narahatlıq yaradıb. Onların fikrincə, ABŞ demokratiyasına qarşı yönəlmiş hadisədə iştirak etmiş bir şəxsin belə məsul vəzifəyə gətirilməsi suallar doğurur.

Qeyd olunur ki, həmin şöbə səfirliklərin mühafizəsi, girovların xilas edilməsi və digər həssas əməliyyatlarla məşğul olur. Bölmədəki vəzifələrin əksəriyyəti məxfi məlumatlara çıxış icazəsi tələb edir.

Pentaqonun mətbuat katibinin vəzifəsini icra edən Joel Valdez isə İrizarrini "ixtisaslı və vətənpərvər gənc mütəxəssis" kimi xarakterizə edib.

İstintaq materiallarına əsasən, İrizarri iki dostu ilə birlikdə Kapitoliyə daxil olub və bu iş üzrə ən gənc təqsirləndirilən şəxslərdən biri sayılıb. O, sonradan günahını etiraf edib, əməlindən peşman olduğunu bildirib və həlak olmuş bir neçə polis əməkdaşının ailəsindən üzr istəyib.

Ayxan

Milli.Az