Amerika

Hulkun oğlanları məşhur klubla müqavilə imzaladılar - FOTO

2 Fevral 2026 13:05

Baxış: 1 169

VTB-də minimal faiz dərəcəsi ilə nağd kredit 9.9%-dən

#MARAQLI #TRANSFERLƏR #BRAZİL #FUTBOL

Məşhur braziliyalı futbolçu Hulkun oğulları peşəkar futbola ilk addımlarını atıblar.

Milli.Az-ın xarici mediaya istinadən yaydığı məlumata görə,futbolçunun ilk həyat yoldaşı İranadan olan övladları ilk rəsmi müqavilələrini imzalayıblar.

15 yaşlı Tyaqo və 17 yaşlı İan hazırda atalarının da formasını geyindiyi Braziliyanın "Atletiko Mineyro" klubunun futbolçuları olublar. Beləliklə, Hulkun oğulları karyeralarına məhz atasının uzun illərdir çıxış etdiyi komandada başlayacaqlar.

Maraqlı məqamlardan biri də odur ki, 39 yaşlı Hulk hələ də aktiv futbolçu kimi "Atletiko Mineyro"nun heyətində yer alır. Bu isə yaxın gələcəkdə ata və oğulların eyni klubda çıxış etməsi ehtimalını gündəmə gətirib. Lakin yaş fərqi səbəbindən onların eyni vaxtda əsas komandada meydanda olub-olmayacağı hələlik sual altındadır.

Qeyd edək ki, Hulkun ailəsi ilə bağlı digər maraqlı detal da diqqət çəkir. Futbolçunun ikinci həyat yoldaşı, ilk həyat yoldaşı İrananın qardaşı qızı Kamiladan Zai adlı daha bir oğlu var. Bu ailə əlaqələri uzun müddət Braziliya və dünya mediasında müzakirə mövzusu olub.

Hulkun oğullarının futbol karyerasında hansı uğurlara imza atacağı isə futbol ictimaiyyəti tərəfindən maraqla izlənilir.

Hüseyn
Milli.Az