Amerika

Vens: İranla danışıqlarda irəliləyiş var

19 May 2026 23:49
Baxış: 331
VTB-də minimal faiz dərəcəsi ilə nağd kredit 9.9%-dən
#IRAN

ABŞ-nin vitse-prezidenti Ceyms Devid Vens İranla danışıqlarda bir neçə məsələdə əhəmiyyətli irəliləyiş əldə edildiyini açıqlayıb.

Milli.Az xəbər verir ki, Vens bu barədə Ağ Evdə keçirilən mətbuat konfransı zamanı danışıb.

"Hər iki tərəfdə çoxlu irəliləyiş var. Mühüm irəliləyişlər əldə edilir. Amma biz sadəcə bunun üzərində işləməyə davam edəcəyik və nəticədə ya razılığa gələcəyik, ya da gəlməyəcəyik. Düşünürəm ki, bu söhbətləri şəxsi şəkildə aparmağımız vacibdir. Çünki bəzən danışıqlar apararkən və bilirsiniz ki, hər şeyi ictimaiyyətə açıqlayarkən, bu, əslində işləri lazım olduğundan daha çox çətinləşdirir", - Vens deyib. Danışıqlarda böyük irəliləyiş əldə etdiklərini vurğulayan Vens İran tərəfinin də razılaşma istədiyinə inandıqlarını bildirib.

"Prezidenti Donald Tramp bizə vicdanla danışıqlar aparmağı tapşırıb və biz də məhz bunu edirik. Beləliklə, hazırda kifayət qədər yaxşı vəziyyətdəyik. Amma B planı var. B planı ondan ibarətdir ki, biz ABŞ-ın məqsədlərini daha da irəli aparmaq üçün hərbi kampaniyanı bərpa edə bilərik. Prezident bunu istəmir. Mən düşünmürəm ki, iranlılar bunu istəyir", - deyə o, əlavə edib.

Vens ABŞ və İranın razılığa gələrək ikitərəfli münasibətləri yenidən qurmaq imkanına malik olduğuna əminliyini ifadə edib.

"Düşünürəm ki, burada İran və ABŞ arasında 47 ildir mövcud olan münasibətləri yenidən qurmaq üçün bir fürsətimiz var. Prezident bizdən bunu etməyimizi istədi və biz də bunun üzərində işləməyə davam edəcəyik. Amma tanqo üçün iki nəfər lazımdır. İranlıların nüvə silahına sahib olmasına icazə verən bir razılaşmaya girməyəcəyik", - vitse-prezident deyib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.