Amerika

Tramp və Zelenski "Mar-a-Laqo"da bir araya gəldi - VİDEO

28 Dekabr 2025 23:11

Baxış: 1 756

VTB-də minimal faiz dərəcəsi ilə nağd kredit 9.9%-dən

#VİDEO #DONALD TRAMP #ZELENSKİ

ABŞ Prezidenti Donald Tramp və Ukrayna Prezidenti Volodimir Zelenski Trampın Floridada yerləşən "Mar-a-Laqo" iqamətgahında görüşüblər. Görüşdə Donbasın ərazi məsələsi, Zaporojye atom elektrik stansiyasının idarə olunması və təhlükəsizlik zəmanətləri kimi kritik mövzular müzakirə edilib.

Milli.Az xəbər verir ki, Prezident Tramp Zelenskini iqamətgahın qapısında qarşılayıb. Görüşlə bağlı açıqlama verən Tramp: "Çox sayda insan ölür! Məncə, hər iki prezident də razılığa gəlmək istəyir" - deyə bildirib.

Liderlər arasında danışıqlar qapalı qapılar arxasında davam edib. Mətbuat nümayəndələri zalı tərk etməzdən əvvəl Tramp: "Danışıqların son mərhələsindəyik. Ya hər şey bitəcək, ya da çox uzun müddət davam edəcək" - ifadələrini işlədib. Qeyd edək ki, Tramp bu görüşdən dərhal əvvəl Rusiya lideri Vladimir Putinlə də telefonla danışmışdı.

Ukrayna liderinin bu səfəri zamanı diqqət çəkən məqamlardan biri qarşılanma mərasimi olub. Zelenski Mayamiyə çatdıqda onu heç bir yüksək rütbəli ABŞ rəsmisi qarşılamayıb və rəsmi salamlaşma mərasimi keçirilməyib. Bu minimum səviyyəli qarşılanma Zelenskinin əvvəlki ABŞ səfərlərindəki təmtəraqlı mərasimlərdən fərqli bir mənzərə yaradıb.

Lalə Qüdrətova
Milli.Az