Amerika

Sürücüsüz avtomobillər niyə yandırılır?

11 İyun 2025 14:47
Baxış: 1 407
VTB-də minimal faiz dərəcəsi ilə nağd kredit 9.9%-dən
#DÜNYADA

ABŞ-ın Los-Anceles şəhərində qeyri-adi və bir qədər də tragikomik hadisə baş verib. Etirazçılar süni intellektlə idarə olunan sürücüsüz avtomobillərə qarşı aksiyalar keçirərək onlara hücum ediblər.

Milli.Az xəbər verir ki, iğtişaşçılar miqrasiya ilə bağlı yeni qanun layihəsinə etiraz əlaməti olaraq "Waymo" şirkətinə məxsus avtonom avtomobilləri hədəfə alıblar. Aksiya nəticəsində bir neçə nəqliyyat vasitəsi zərər görüb.

Məsələ o qədər geniş rezonansa səbəb olub ki, ABŞ Prezidenti də münasibət bildirməyə məcbur qalıb. O, etirazçıları bölgədə sabitliyi pozmaqda və maddi maraq güdməkdə ittiham edib.

Qeyd edək ki, bu, "Waymo" avtomobillərinə edilən ilk hücum deyil. Daha əvvəl də etirazçılar bu maşınları yandırmaq və sıradan çıxarmaq cəhdləri ilə gündəmə gəlmişdilər.

Hadisənin kökündə bir neçə səbəbin dayandığı bildirilir. Yerli mətbuatın yazdığına görə, bəzi etirazçılar bu avtomobillərin şəhər yollarında əlavə tıxac yaratdığını iddia edir. Digərləri isə onları hüquq-mühafizə orqanları ilə əlaqələndirir. Bildirilir ki, daha əvvəl baş vermiş aksiyalar zamanı polis "Waymo" avtomobillərinin kameralarından əldə edilən görüntülərdən istifadə edib. Bu səbəbdən də bəzi etirazçılar bu texnologiyanı nəzarət vasitəsi kimi qəbul edərək, onların məhv edilməsini dəstəkləyib.

Hadisə sosial şəbəkələrdə də ciddi müzakirələrə səbəb olub. Bəzi istifadəçilər etirazçıları qınasa da, digərləri onları haqlı sayaraq bu cür addımların səbəblərini əsaslandırmağa çalışıblar. 

Asya
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.