PUL
Rusiyanın "A321" sərnişin təyyarəsini Misirin Sinay yarımadasında fəaliyyət göstərən "Vilayət-Sinay" terror qruplaşması partladıb.
"Report" xəbər verir ki, bunu Misir prezidenti Əbdül Fəttah əs-Sisi ilə noyabrın 24-də Qahirədə keçirilən görüş zamanı Rusiyanın müdafiə naziri, ordu generalı Sergey Şoyqu açıqlayıb.
"Terrorun Misirin nə dərəcədə kəskin problemi olduğunu yaxşı bilirik. Sinay yarımadasında əli yüzlərlə günahsız insanın, o cümlədən aviaqəzada bizim həmvətənlərimizin qanına batan və İŞİD-in filialı olan "Vilayət-Sinay"ın artıq bir ildir ki, fəaliyyət göstərməyi həyəcan doğurur. Biz bu bəla ilə mübarizədə sıx işləməyə hazırıq", - deyə o bildirib.
Xatırladaq ki, Sinayda baş verən aviaqəza zamanı 224 nəfər həyatını itirib.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
