Dünya

Əsl kişi haqqında: sınıq qəlbin bərpası üçün 100 məqsəd - FOTO

11 Aprel 2012 11:49
0 Şərh     Baxış: 1 766
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
İngiltərədən Avstraliyaya mühacirət etmiş Yan Aşerin dediyinə görə, arvadı Lora onu tərk edəndə həyatının başa çatdığını düşünürdü.

"Nə edəcəyimi bilmirdim. Sanki hər şey bitmişdi. Amma sonra düşündüm ki, boşanıbsa, canı cəhənnəmə! Hər şeyi satmaq qərarına gəldim", - Aşer deyib.

Milli.Az "The Guardian"a istinadən bildirir ki, Avstraliyanın Perta şəhərində yaşayan Yan evini, maşınını, işini və dostlarını belə, "eBay" hərracında satışa çıxarmışdı.

İngiltərənin Darlinqton şəhərində doğulmuş 48 yaşlı Aşer Pertadakı evini 230 min dollara satdı. Evlə bahəm evdəki bütün əşyalar da satıldı.

Daha sonra Aşer "eBay" hərracında "Mazda" avtomobilini, motosikletini, su xizəklərini və hətta paraşütünü də satdı.

Bundan sonra isə o, "arvadın sındırdığı qəlbi bərpa etmək" üçün işə başladı.
"Özümə dedim ki, belə olmaz, ayıl! Sınmış qəlbimi bərpa etmək üçün qarşıma 100 məqsəd qoydum, siyahı tutdum və başladım", - Aşer deyir.

Xalça satışı dükanında menecer olan Aşer beləcə, əvvəlki həyatı ilə vidalaşdı.
O, Dubaya uçan təyyarəyə oturdu, sonra isə macəralar başladı. Aşer bu minvalla onlarla ölkəyə baş çəkdi, milyarder Riçard Brensonla görüşdü, ağ köpəkbalıqlarıyla üzdü, öküzlərin qarşısından qaçdı, hətta "Mile High Club"a daxil oldu.
Daha sonra o, qalan pullara Panama sahillərində kiçik ada aldı.
Aşer 100 məqsədinə çatdığını deyir.

"Fransız dilini öyrəndim, təyyarə sürmək kurslarını bitirdim, Hollivud filminə qatıldım, sonra da başıma gələnlərdən kitab yazdım", - Aşer deyir.

İndi isə Aşer 45 min dollara satın aldığı kiçik adada özünə malikanə tikir.
Onun yeni məhəbbəti də var. Yanın sözlərinə görə, Mor ilə it arabaları yarışında tanış olub və 15 ay birlikdə olaraq hisslərini sınaqdan keçiriblər.

Bokas del Torro arxipelaqında, Panama və Kosta-Rika arasındakı adada yaşayan Aşer "bədbəxtliyə və sönük həyata meydan oxuyan adam" olduğunu bildirib.

"Bilirsinizmi, həyat qəribə nəsnədir. Qarşıma qoyduğum 100 məqsədin, 100 hədəfin hər biri normal, adi insanın həyatı boyu arzuladığı işlərdir. Mən isə Tibetdə oldum, Qrand Kanyona baş çəkdim, okeanın dərin qatlarına endim, dirijablda uçdum... Yəni özümü əsl kişi kimi hiss etmək üçün bütün arzularımı reallaşdırmağa, "əski parçası" olmadığımı sübut etməyə çalışdım. Və anladım ki, həyat, yaşadığımız günlərdən daha maraqlıdır. İnanın Tanrıya, belə dünya, belə imkanlar varkən "mən darıxıram!" deyən adamları yazıq sayıram. Bəs siz necə, həyata yenidən başlamağı düşündünüzmü?!" - Aşer deyib.

Milli.Az

Böyütmək üçün şəkillərə klikləyin.











Fotolar: AFP, Getty İmages
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.