Cəmiyyət

Qəbirləri ziyarət edən zaman hansı qaydalara riayət etməliyik?

20 Noyabr 2016 23:55
4 Şərh     Baxış: 8 545
VTB-də minimal faiz dərəcəsi ilə nağd kredit 9.9%-dən
#DİN #İSLAM

İbrət almaq və axirəti yada salmaq məqsədilə qəbirləri ziyarət etməyə icazə verilir. Bir şərtlə ki, orada olarkən Allahın qəzəbinə gələcək sözlər söylənilməməli, qəbirdə yatan insan çağırılmamalı və Allah Təaladan başqasından kömək istənilməməlidir. Ziyarət edən şəxs ölümü və ölən şəxsi yada salır. Bilir ki, gedəcəyi yer cənnət yaxud cəhənnəm ola bilər. Ziyarətdə ən başlıca məqsəd budur.
Milli.Az zikr.az-a istinadən bildirir ki, qəbiri ziyarət edən zaman əgər ölmüş şəxs müsəlman olubsa, salam vermək, onun üçün dua etmək, Allahdan onun üçün bağışlanma diləmək lazımdır. Həmçinin bu duanı etmək olar: "Əssələmu aleykum əhlə-d-diyəri minə-l-mu'mininə və muslimin. Va innə in şəə Allahu bikum ləəhiqun. Əsəlullahə lənə va ləkumu-l-afiyətə".
Mənası: "Salam olsun bu diyarın möminlərdən və müsəlmanlardan olan sakinlərinə!... İnşəAllah biz də sizə qovuşacayıq. Allahdan özümüz və sizin üçün sağ-salamatçılıq diləyirik".
Dua edərkən əlləri qaldırmaq olar. Bu barədə Aişəyə (Allah ondan razı olsun) istinadən rəvayət olunan hədisdə deyilir: "Rəsulullah (sallallahu aleyhi və səlləm) gecənin birində çıxdı və Bərirəni onun ardınca göndərdim ki, baxıb görsün ki, hara gedir. Aişə (Allah ondan razı olsun) deyir: "Bəqi əl-Ğarqad (Mədinədə qəbiristanlıq) tərəfə getdi və Bəqinin aşağısında durdu və sonra əllərini qaldırdı və sonra dönüb getdi. Bərirə qayıtdı və mənə xəbər verdi. Səhər olunca Peyğəmbərdən bu barədə soruşaraq dedim: "Ya Rəsulallah, gecə hara çıxmışdın? O dedi: "Dua etmək üçün Bəqi camaatına göndərildim".
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.