İqtisadiyyat

Rusiya sərhədə tərəzi qoydu, Bakıda pomidor 3 dəfə ucuzlaşdı - VİDEO - FOTO

19 May 2017 17:11
12 Şərh     Baxış: 10 067

Rusiya-Azərbaycan sərhədindəki Yaraq-Qazmalar sərhəd-keçid məntəqəsində Azərbaycandan keçib bu ölkəyə gedən ağırtonnajlı yük avtomobilləri üçün daşınan yüklərin çəkisinə nəzarət gücləndirilib. İlk baxışdan qəribə də olsa bunun nəticəsində Bakı bazarlarında pomidorun qiyməti qəfildən kəskin aşağı düşüb.

Milli.Az virtualaz.org-a istinadən xəbər verir ki, Rusiya-Azərbaycan sərhədində Azərbaycandan keçib gedən TIR-lar üçün çəki nəzarətinin tətbiq olunması Dağıstanda bir aydan çox tətil edən TIR sürücülərinin hökumətin qarşısında qoyduğu tələblərdən biri idi. Dağıstanlı TIR sürücüləri əslində "Platon sistemi"inə etiraz olaraq tətilə başlamışdılar və bu aksiya nəticəsində Azərbaycandan Rusiyaya (o cümlədən geriyə) yükdaşımalar həftələr boyu faktiki dayanmışdı. Çünki dağıstanlı sürücülər Azərbaycandan olan TIR sürücülərinin də aksiyaya qoşulmasını tələb edirdi.

Nəhayət dağıstanlı sürücülərin tətili yerli hökumətlə danışıqlardan sonra dayandırıldı. Dağıstan hökuməti "Platon sistemi"inin ləğvinə dair sürücülərin əsas tələbini yerinə yetirmək səlahiyyətində olmasa da Azərbaycanla sərhəddə çəki nəzarətinin gücləndirilməsini təmin etməyə söz verdi. Çünki dağıstanlı sürücülər bildirirdi ki, Azərbaycandan gedən TIR-lar yükü normadan artıq vururlar və nəticədə haqsız rəqabət yaranır.

Mayın 11-də Dağıstan hökumətinin iclasında tətil etmiş sürücülərlə razılaşmaların yerinə yetirilməsi məsələləri müzakirə olunub. Nazirlər kabinetinin sədri Abdusamid Həmidovun sədrliyi ilə keçirilən iclasda Azərbaycanla sərhəddəki postlarda çəki nəzarəti avadanlıqlarının təkmilləşdirilməsi barədə göstərişlər verilib. Qərara alınıb ki, normadan artıq yük daşıyan avtomobillərlə bağlı məsələ respublika ərazisində nizamlanacaq.

Və belə görünür ki, həmin müşavirədən sonra Dağıstanın Azərbaycanla sərhəddəki nəzarət postlarında TIR-ların daşıdığı yüklə bağlı çəki nəzarəti gücləndirilib. Virtualaz.org əməkdaşı Rusiyaya pomidor ixrac edən sahibkarlardan biriylə söhbətləşib, mənbə deyib ki, bir neçə gündür 23 tondan artıq yük vuran Azərbaycan maşınları Rusiyaya buraxılmır. 

Nəticədə Azərbaycandan Rusiyaya pomidor daşıyan və normadan artıq yük vuran avtomobillərdən yükün artıq hissəsi boşaldılır, Rusiyaya ixrac olunmaq üçün qablaşdırılmış pomidorlar daxili bazara yönəldilir. Və bunun nəticəsində cəmi bir neçə gün əvvəl Bakı bazarlarında kiloqramı 4-5 manata satılan pomidor 3 dəfə ucuzlaşıb, hazırda kiloqramı 1 manat 30 qəpik-1 manat 50 qəpik arasında dəyişir.

Sahibkarın dediyinə görə, onlar yükü əvvəlcədən qablaşdırmışdılar və Rusiyaya yola salmaq üçün yükləyəndə məlum olub ki, sərhəddə çəki nəzarəti gücləndirilib. Nəticədə daşınma xərclərinin artması sahibkarların Rusiyaya ixrac etdikləri pomidordan əldə edəcəkləri gəlirə təsir edib, onlar malın artıq hissəsini daxili bazarlara yönəldiblər.

Milli.Az

Videonu izləmək üçün şəklə klikləyin:

В правительстве республики обсудили реализацию договоренностей с водителями большегрузов

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

12 Şərh:

  • Anonim
    sena · 19 May 17:1580

    Duzgunluk gozel weydi

    Cavab yaz
  • Anonim
    Rüstəmova · 19 May 17:1890

    Urraaa.yoxsa mənə elə gəlirdi ki biz Azərbaycanda yox Rusiyada yaşayırıq

    Cavab yaz
  • Anonim
    Terxun · 19 May 17:2410

    Olan yene kendliye oldu.Milyonlar arasinda on itirmek bir sey deyil

    Cavab yaz
  • Anonim
    Sebr · 19 May 17:2740

    Kasıbın da Allahı var!!!

    Cavab yaz
  • Anonim
    A · 19 May 17:3220

    Halal

    Cavab yaz
  • Anonim
    Rony · 19 May 17:5850

    Əla xəbərdi. İndi hər kəs bol-bol pomidor yeyib, tutmasını edər.

    Cavab yaz
  • Anonim
    Oxucu · 19 May 19:2010

    Qonshu Ebülfes kishi özü qoydugu qiymete - 1.10 manata satir.

    Cavab yaz
  • Anonim
    @@@@ · 19 May 19:2210

    şükür

    Cavab yaz
  • Anonim
    Angel · 19 May 20:3730

    Sozun duzu sahibkarlara ureyim agridi amma milletde yaziqdi 3. 4 manata pomidor olar?

    Cavab yaz
  • Anonim
    SEVA TOVUZ · 19 May 22:2310

    Sukur camaat yeye bilecek

    Cavab yaz
  • Anonim
    Nur · 20 May 01:1000

    Milletin uzu gulur. Cunki her sey bshalasir pomidorun qiymeti dusur. Easas milletimizdi.

    Cavab yaz
  • Anonim
    Kasib. · 20 May 03:0330

    Wukur allaha ki ucuzlawdi pomidor. Hele bugune kimi hec alib yeye bilmirdik, cunki cox baha idi. Sabah evimizde pomidorun ilk siftahini ederik inwallah. Butun kasiblara allah ruzi bereket versin, icindede bize. Mal etininde qiymeti 4-5 manata duwseydi ureynen evde qazan asardiq doyunca nuw ederdik inwallah.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.