PUL
"SOCAR Türkmənistan qazının Azərbaycan ərazisi ilə tranziti üzrə danışıqların müsbət nəticələrini gözləyir".
Milli.Az Trend-ə istinadən bildirir ki, bunu SOCAR-ın I vitse-prezidenti Xoşbəxt Yusifzadə Bakıda keçirilən Enerji İqtisadiyyatları üzrə Beynəlxalq Assosiasiyasının I Avrasiya konfransında deyib.
Onun sözlərinə görə, Türkmənistana öz qazının tranziti üçün Azərbaycanın boru kəməri infrastrukturuna qoşulmaq sərf edir: "Təxminən Xəzərin ortalarınadək olan boru kəmərlərimizin Türkmənistanadək məsafəsi böyük deyil".
X.Yusifzadə qeyd edib ki, sərhədyanı "Kəpəz" yatağının işlənməsi məsələsi qalır: "Türkmənistan bu yatağı "Sərdar" adlandırır. Fikrimcə, bu məsələni də yaxın vaxtlarda həll edəcəyik".
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
