İqtisadiyyat

Azərbaycan Mərkəzi Bankı kredit ittifaqlarından birinin lisenziyasını geri alıb

27 Dekabr 2013 12:22

Baxış: 734

VTB-də minimal faiz dərəcəsi ilə nağd kredit 10.49%-dən

#AZERBAİJAN

Azərbaycan Mərkəzi Bankı (AMB) dekabrın 4-dəki qərarı ilə ölkədə fəaliyyət göstərən kredit ittifaqlarından birinin lisenziyasını geri alıb.

Trend-in məlumatına görə, bu barədə müvafiq qərar rəsmi mətbuatda dərc olunub.

Qərarın mətnində deyilir: "Azərbaycan Respublikasının "Kredit İttifaqları haqqında" qanununun 21.1.1-ci maddəsinə və "Kredit ittifaqlarına bank fəaliyyəti göstərmələri üçün lisenziyaların verilməsi Qaydaları"nın 6.4.1-ci bəndinə uyğun olaraq AMB tərəfindən 2010-cü il iyunun 10-da Aqrar Maliyyə Kredit İttifaqına verilən lisenziya ləğv edilir".

"Aqrar Maliyyə Kredit İttifaqı" Xırdalan şəhərinin Quşçuluq yaşayış massivində qeydiyyata alınıb.

2013-cü ilin üçüncü rübünün sonuna olan məlumata görə, Azərbaycanda 111 kredit ittifaqı fəaliyyət göstərir. Onların məcmu nizamnamə kapitalı 20,73 milyon manat, aktivlərinin həcmi isə 53,79 milyon manat təşkil edib.

Milli.Az