Ölkə

"Nəvələrimin üzünə həsrət qalmışam" - Xalq artisti

1 Dekabr 2016 17:48
14 Şərh     Baxış: 10 226

Milli.Az xəbər verir ki, azvision.az-ın həmsöhbəti xalq artisti, Azərbaycan Teatr Xadimləri İttifaqının yaradıcılıq üzrə sədr müavini Hacı İsmayılovdur. 

- Hacı müəllim, ilk olaraq əhvalınızı soruşmaq istərdim.

- Adam daima sevdiyi işlə məşğul olanda əhvalı yaxşı olur. Teatrda hər gün məşqlərim olur. Repertuarda olan altı-yeddi tamaşada iştirak edirəm. Desəm ki, evdən səhər çıxıb, bir də axşam qayıdıram, yəqin, inanmarsınız. Buna baxmayaraq, hər şey gözəldir. 

Çatışmayan bir şey varsa, o da vaxtdır. Vaxt azlığından əziyyət çəkirəm. Həm Akademik Milli Dram Teatrında işləyirəm, həm də Azərbayacan Teatr Xadimləri İttifaqında Azərpaşa Nemətovun yaradıclıq üzrə müaviniyəm. Burada da tədbirlərimiz, yubileylərimiz olur. Eyni zamanda "Azdrama"da "Stullar" tamaşası hazırlanır. O tamaşa Azərbayacanda hələ səhnəyə qoyulmayıb. Çox maraqlı və çətin tamaşadır. İnşallah bu yaxında daxili baxış olduqdan sonra tamaşaçılar ona baxa biləcəklər. 

- Bir müddət tamaşalarla yanaşı seriallara da çəkilirdiniz. İndi sizi nədənsə seriallarda görmürük. 

- Seriallara keçən il çəkilirdim. Çəkilişlər artıq bitib. Daha çəkilmirəm. Dəvət etsələr belə, vaxtım olmayacaq. İşim o dərəcədə çoxdur. Hazırda teatrda məşqlər gedir. Cəlil Məmmədquluzadənin "Ölülər" tamaşasını təhvil verdik, dekabrın 16-17-də isə Cəfər Cabbarlının "Almaz" tamaşasını təhvil verəcəyik. Onun məşqləri gedir. 

- Bu qədər işi bir araya sığışdırmaq həm fiziki cəhətdən, həm də psixoloji baxımdan asan deyil. 

- İldə bir dəfə mütləq istirahət edirəm. Məzuniyyət vaxtı bir həftə ya Azərbayacanda, ya da ölkədən kənarda dincəlirəm. İstirahət mənə bir il kifayət edir ki, belə işgüzar olum. 

- Gününüzün çox hissəsini oynadğınız rolların məşqinə sərf edirsiniz. Nəvələrinizə, ailənizə vaxt ayıra bilirsinizmi?

- Üç nəvəm var, Ülkər, Azər, Nigar. İnanın ki, iki aydır nəvələrimin üzünü görə bilmirəm. Uşaqlar mənim üzümə həsrət qalıblar. Amma imkan olan kimi telefonla danışırıq. Şəkillərimə baxırlar, mən onların şəkillərinə baxıram. 

O gün kiçik nəvəmin yanına getmişdim. Məni görüb, çox sevindi. Ancaq məşqim olduğuna görə onu çox oynada bilmədim. Qapıdan çıxanda dedim, " babaya əl et". Uşaq getdiyimi görəndə pis oldu.

- Yeri gəlmişkən, nəvələriniz üçün hansısa rolu canlandırmısınızmı? 

- Onlar üçün elə bir rol oynanamışm. Azər və Ülkər məni aktyor kimi tanıyır. Nigar hələ kiçikdir, anlaya bilmir ki, bunun babası nə işlə məşğuldur. Məni ancaq baba kimi tanıyır.

Milli.Az

DİGƏR XƏBƏRLƏR

Şərh yaz:

14 Şərh:

  • Anonim
    lalə · 1 Dekabr 18:13170

    Hacı müəllim, Allah sizə can sağlığı versin. Sizi və Sizin kimi gözəl sənətkarlarımızı Allah qorusun. Amin.

    Cavab yaz
  • Anonim
    Şikayetçi · 1 Dekabr 18:2490

    Siz çox deyerli esl senetkarsınız

    Cavab yaz
  • Anonim
    Tebiet · 1 Dekabr 19:0871

    Allah can sağlığı versin Hacı müəllimə, gözəl aktyordur.

    Cavab yaz
  • Anonim
    orbet. · 1 Dekabr 19:4370

    Həqiqətən də bizim çox gözəl sənətkarlarımız aktyorlarımız olub və var. Siz də bunlardan birisiniz. Sizin kimi şəxslər bizim teatrımız və kinomuzda gözəl xatirələr yaddaşlar izlər qoymusunuz. Allahdan sizə can sağlığı uzun ömür arzulayıram.

    Cavab yaz
  • Anonim
    sabina · 1 Dekabr 20:4471

    Esq olsun size Haci muellim.Ne qeder sade ,tekebburden uzaq,"mennnlerden"uzaq esl senetkar.Qoy bu genc akthorlar ibret gotursunler.Az evvel Elmeddinin musahibesini oxudum."ozumu tesdiq etmeye ehtiyacim yoxdur akyyor kimi "deyib.Cox guluncdu, ele deyilmi?

    Cavab yaz
  • Anonim
    Esra ibrahimli (Samaxi) · 1 Dekabr 21:0080

    Cox xosladiqim guclu senetkarlardan biri de sizsiz Haci muellim.Coxxx sebirli,sakit semimi insan tesiri baqislayirsiz Allah can saqliqi versin,rollariniza da esla söz ola bilmez.

    Cavab yaz
  • Anonim
    Solmaz · 1 Dekabr 23:2470

    Allah size can sağlığı versin,uzun ömürlü olasınız

    Cavab yaz
    • Anonim
      Gunay · 2 Dekabr 01:3020

      Gözəl insan və əla aktyor.

      Cavab yaz
    • Anonim
      Gunay · 2 Dekabr 01:3120

      Gözəl aktyor

      Cavab yaz
  • Anonim
    Gunay · 2 Dekabr 01:3120

    Gözəl insan və əla aktyor

    Cavab yaz
  • Anonim
    Xanim · 2 Dekabr 04:0120

    Axi siza biz na yaza bilarik ? Tarifdan basqa . 100 yasayin . Saki dili sizincun yaranib ela bil . Allah siza pis gun gostarmasin isallah .

    Cavab yaz
  • Anonim
    Azər · 2 Dekabr 09:1310

    Hacı müəllim Azərbaycanın əvəz olunmas sənətkarlarından biridir Allah can sağlığı versin xalqa çox görməsin.

    Cavab yaz
    • Anonim
      Leyla · 2 Dekabr 13:4110

      Gözəl insandir

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.